Surrenderees atimanon sa VSR

Naghisgut ang mga pastoral agency directors ug lay leaders sa Katolikong Simbahan sa Davao, Digos, Tagum, ug Mati unsaon pagtabang sa mga drug surrenderees on Voluntary Service Reformation.

Nahitabo kini sa quarterly DADITAMA meeting niadtong Setyembre 20-21 nga gipahigayon sa San Victor Island, Baganga, Davao Oriental. Human sa workshop, mao kini ang mga plano matag diyosis nga gisaysay sa mga representante.

Mati Diocese
Gipangusgan sa diyosis sa Mati ang Ministry for Reformation. Hapit nang mahuman ang modules aron mahatagan ug higayon ang mga apostolado ug GKKs sa pagpalapnag sa impormasyon, padaghanon ang mga “best practices”, tutukan ang batan-on nga nahilayo na sa Simbahan, counseling sa barangays, ug pagmisa sa barangay diin anaa ang ilang presensya.

Tagum Diocese
Kung ang gobyerno, adunay Tokhang, ang Diocese of Tagum adunay “Tugbang”. Sa ilang slogan, “Tugbang helps LIFE”, ang HELPS acronym nga nagpasabot ug interventions o himuonon aron mas mapadali ang kaayuhan sa mga drug surrenderees.

H is Health, Energizer from youth, Love (core motivation) from clergy, Psychological from clergy, ug Spirituality from church o ang ginatawag nga “after care program from the church.”

Nanghinaut sab nga mahatagan sila ug livelihood project ug trabaho, mahibalik sila sa kinabuhi sa katilingban ug masuportahan sa pamilya.

Gikan July 1-August 25, adunay kapin 26, 000 ka mga drug surrenderees ang natala diin ang kadaghanan gikan Davao del Norte (14, 911), ug Comval (11, 516).

Aminado ang taga Tagum nga daku daku ni nga trabaho, apan “workable kini from the experience of our church. For those who will undergo the program, we will see to it that they are willing to change. We have assessed five last Saturday. By the end of the year, we hope to implement it in the whole diocese. Christ the King will be the pilot parish. Speaker will make modules nga seminaran sa facilitators.”

Diocese of Digos
Pagkonsulta sa mga pari ang himuon sa Digos. Kini aron makatabang ang kaparian sa paghatag ug profile sa mga surrenderees sa ilang tagsa-tagsa ka parokya. Makig-alayon sab kini sa mga ahensyang posibleng makatabang nila.

Archdiocese of Davao
Gilusad sa Arkidayosis sa Dabaw ang Sagop Kinabuhi Program 2 or SKP2 niadtong Oktobre 7. Sa kasamtangan, nagapadayon ang TESDA training aron mahanas ang assessment skills sa mga volunteers. Ang pilot area mao ang Talomo diin nanghinaut nga mutarget ug 130 VSRs ang matabangan.

Matud pa sa BEC Coordinator Vicky Anghag, “kita mismo dili dapat asahan nga taga Simbahan ta nga exempted ta niani. I-profile nato una ang atong pamilya. Sa simbahan unta naay tinuod nga ‘compassionate heart.’ Basically they are sick people. Kung wala nay pamilya, mutake over na ang Simbahan kay they are not in their right minds naman.”

Midugang si Fr. Bong Dublan, Director sa Social Action sa Dabaw, importante sad nga mahibaw-an kung kinsa ang taga Simbahan nga nalulong sa ginadiling droga tungod kay, “kung maunhan ta nila n’ya madiskubre nga wala tay gihimo, or maunhan ta sa ‘luthang’…kining maong panawagan dili lang ngadto sa VSRs, panawagan pud nato sa sulod (simbahan) nga kita magmaigmaton, ug una natong sagupon kining atong lumilihok sa simbahan. This is also a God-given opportunity for us.”

Naghisgut sab ang grupo kabahin sa budget nga posibleng gastuhon sa rehabilitasyon nga mukabat ug P 20,000-P 30,000 kada bulan. Nagpahinumdon si Bp. George Rimando, “tinuod ni nga emerging reality, naa may Ginoo, ang atua lang ningkamot lang ta. Ang kwarta, tabang lang ta labi na pagpari na or lay leader nga nangalagad na…. You are really encouraging us.” (@dcherald)