‘Dili padaugon ang yawa’

Fiesta ni San Miguel, San Gabriel ug San Raphael, Arkanghel
San Juan 1:47-51

Mao kini ang unod sa homiliya nga gihatag ni Yanong Muloy sa mga parokyano sa San Miguel Parish, Panacan atol sa kapistahan niadtong Setyembre 29.

“Sa kasaysayan sa Simbahan, usa kini sa dakung fiesta ang pagpili kang Senyor San Miguel sa atong katilingban. Napili siya nato diri sa parokya sa Panacan. Ang laing lugar nga dakong fiesta mao ang Diyosesis sa Iligan, bantugan kaayo na.

Paghuman nako dinhi, mudagan pud ko sa chaplaincy sa Eden, pareho ang napili nga Patron. Nalipay si San Miguel ngadto sa Ginoo, busa nalipay siya karon, sulugoon niya – mao ang atong Diyos. Busa karong adlawa, atong pagpasidungog kang San Miguel, pagpasidungog sa Diyos, ang atong mapinanggaon nga Amahan, atong Diyos.”

Matud pa niya, “importante nga makaampo kita sa Diyos, nindot nga pamaagi ang pagpadayag sa atong pagtoo. Ang Diyos mipadala sa iyang anak aron makig-uban gyud kanato. Sama kanato sa ubang butang, maka identify gyud sya nga kita pareha niya, gawas sa usa ka butang. Ang anak sa Diyos nga nahimong tawo sama kanato. Perfect dili tungod kay wala siya nasakit, nasakit siya. Perfect dili tungod kay wala siya gigutom, dili pud, naguol siya. Sama siya kanato, except one. Pero ang anak sa Diyos, nagpakamatay siya nato. Lami tang ingnong nga mga merese mong dagku, pasagdan lang unta mo.”

Dugang sa pamalandong, miingon siya, “tan-awa iyang close circle, ang 12 apostles, larawan sila kung unsa kita ka makasasala, yet iyang gihatag sa dakung gugma ug pagpangga, naa ang desire nga di kita biyaan, iyang giatubang ang pinaka- kalaban nato nga mao ang kamatayon.”

Normal lang daw nga pakamatyan ang mahal sa kinabuhi, apan dili ang uban. “Asawa, pakamatyan nimo, pero silingan, bahala ka diha. Kitang tanan, walay bili pero kita sa mata sa anak sa Diyos, bililhon gyud. Siya niatubang sa atong pinakabangis nga kalaban – kamatayon, busa gipakita ang iyang gahum, ang iyang pagkabanhaw. Keep this in my memory.”

“Si San Miguel extension nga di kita sagmiton sa kamatayon. We thank the Lord for this gift of faith, nahimo kitang katilingban nga nag gunit sa pagtoo. Mga katekista naapil mo ug aksyon ni San Miguel sa inyong pagpanudlo, pagpangontra sa dautan sa dili mao nga pagpanudlo. Mga GKK leaders,bantayan nga unta ang katilingban dili mawala sa paggakus ni San Miguel, pagprotekta sa katilingban, mga Family and Life Apostolate, K of C, Divine Mercy, tanan. Sama kita kang San Miguel, katawhan sa Diyos, kita sa gasa nga gihatagan kanato, kitang tanan nagalihok aron mabantayan ang gasa sa pagtoo diha sa Simbahan.

Mapahinumduman gyud nga kanunay kita mutuo sa Ginoo, makatagamtan kita didto sa langit uban sa Diyos. Sayud kita nga kining atong bantayanan, kining larawan pud sa yawa, daghan sa katilingban karon, niining parokya diri sa Panacan, nga kanunay nagahagit kanato, isip katilingban, dili makadasmag kanato, dili makapahuyang sa atong pagtoo, tungod kay uban kanato, kanunay kitang gipahinumduman.

Adunay nindot nga leksyon ang unang pagbasa, in the end magmadaugon kita, ang promise nga makasulod kita sa gingharian sa langit, ang maayo magmadaugon batok sa dautan. Ugma sa katapusan, sa lakaw sa panaw sa kinabuhi nato.

Uban sa gasa sa pagtoo, mangayo kita sa Ginoo nga makalahutay kita. Magbantay nga dili ang yawa makapildi kanato. Nga kita usab makatagamtam sa usa ka buhi nga pagtoo, ang ganti sa kalipay nga walay katapusan. Viva San Miguel!”