Holy Family Parish GSL Formation gisugdan

Human sa pagpanumpa sa tanang mga GKK Servant Leaders sa Holy Family Parish niadtong Hulyo, gisugdan na dayon ang unang GSL Formation niadtong Agosto. Ang unang Dominggo sa matag bulan mao ang gigahin sa panagtapok-tapok sa tanang GSL nga nahisakop sa Holy Family Parish sa Brgy. Baliok ug Brgy. Dumoy. Ang panagtapok maghisgot sa mga isyu ug mga panginahanglan sa matag GKK.

Apan sa dili pa magsugod ang paghisgot hisgot, ipahigayon una ang pormasyon sa tanang GSL. Tumong sa maong pormasyon, ang pagpalawom sa ispirituhanong panginahanglan sa mga GSL aron mas masabtan pa nila ang ilang kasinatian, dili lamang sa pagpangalagad sa katilingban, apan hilabi na gayod ang ilang relasyon sa Ginoo nga maoy tinubdan sa tanang kaayuhan.

Nahitabo ang unang GSL Formation sa 6 ka nagkalahi- lahing Christian communities nga nasakop sa Holy Family Parish. Kini naglangkob sa basic seminars nga subay sa GKK Norms and Guidelines. Ang unang sesyon nagtuki mahitungod sa kalaglagan sa tawo pinaagi sa sala, mga hinungdan sa sala, ug ang angay buhaton aron makalikay sa sala.

Ang Parish Formation Team nga gipasiugdahan ni Rose Senillo ubos sa pangama sa kura paroko, Fr. Ricky Penalosa, DCD, gitahasan sa paghan-ay sa mga tema mga ihatag matag bulan hangtod Marso 5, 2017. (FAD/HFP)