Maria: Kalig-on sa Matoohong Katilingban

Ang Parokya sa Inahan sa Kanunay’ng  Panabang, Bajada, Davo City nagsaulog sa ika 41  nga kapistahan sa milabay’ng Hunyo 16, 2013, uban sa tema: “PATOO’G KINABUHI NI MARIA KALIG-ON SA MATOOHONG KATILINGBAN”

Adunay gipahigayon nga siyam( 9) ka adlaw nga pag – Novena nga gi-sponsoran sa mga GKK, Lay Organizations Movements and Associations (LOMAS), Schools & companies.  Sa katapusang adlaw sa novena gipahigayon ang  Prosesyon atol sa Vesperas.

Sa adlaw sa kapistahan ang unang misa sa alas 6:00 sa buntag gisaulog  sa atong  Halangdong Arsobispo  Emeritus  Mgsr. Fernando Capalla, D.D.,  inubanan sa mga  Redentoristang pari ug brothers. Human sa maong misa gisundan ang usa ka programa ug salo – salo nga gitambongan sa mga parokyano nga gikan sa 36 ka mga GKK, LOMAS ug sa mga faculty, staff ug estudyante sa St. Alphonsus Theological and Mission Institute (SATMI).

Sulod sa maong programa adunay mga gipahigayon nga presentasyon sama sa drama, sayaw, kanta ug balak nga adunay kalambigitan sa kinabuhi ni Birhen Maria, nga mao ang sentro sa among pagsaulog.

Nakita ang tanan nga malipayon sa pagpadayag sa ilang dakong pasalamat ug pagmahal sa Mahal nga Birhen Maria. Nahimong mabulukon ug malampuson ang tanang gipahigayon nga kalihukan tungod sa partisipasyon, kooperasyon ug suporta sa kinatibuk-ang hugpong sa Parokya.