Parish BEC-Data Validation sa St. Francis of Assisi Parish, Maa gipahigayon

Nagkahiusa ang mga lideres nga sakop sa Parokyani San Francisco sa Assisi, Maa niadtong Hulyo 7, 2013 (Domingo) alang sa Parish BEC-Data Validation.

Sa pagsugod sa maong validation, ang Kura Paroko nga Rev. Fr. Bong Gonzaga mihatag samaong pasiuna mahitungod sa Parish BEC-Data Validation nga subay sa pagsaulog sa ika-60 nga Archdiocesan Diamond Jubilee miadtong 2009 adunay plano nga ipahigayon unta ang Archdiocesan Pastoral Assembly ug mao kini ang mga datos nga mga nakalap niadtong 2009 nga hisgutanan mahitungod sa katilingbanong Relasyon, Pag-ampo ug Pagsaulog sa Pulong Dios ug mgam Sakramento, pag-alagad, pagsangyaw ug ang pagdumala diha sa katilingban. Apan, ang mga rekomendasyon sa mga deligado sa Mindanao BEC gathering niadtong Nov. 19-22, 2012 gisugyot nga kinahanglan maghimo ang Archdiocese of Davao nga tan-awon pagusab ang kinabuhi sa GKK.

Giubanan og gi-aprobahan sa Arsobispo sa Dabaw, Most. Rev. Romulo G. Valles uban ang mga kaparian namugna ang VICARIATE BEC GATHERING gamita ng mga datos nganakalap niadtong 2009 isip usa kabasihan sa pakiglambigit sa mga sitwasyon karon sa atong Gamay’ng Kristohanong Katilingban (GKK) nga ang tumong mao ang mapalig-on og mapalambo ang Kristohanong katilingban diha sa pag-ampo, pag-alagad ug kahiusa nalang sa pagdayon sa misyon ni Kristo.

Inubanan sa atong Archdiocesan GKK Coordinator sa Dabaw, Fr. Pete Lamata, DCD nga mao ang ni-presenta sa mga datos nga pagatukion sa tibuok adlaw sa Parish/GKK Validation sesyon. Panghinaot nga dili usikan ang kahigayunan nga tukion ang mga nagapanghitabo karon sa atong Kristohanong Katilingban ug ang datos nga nahimo maoy i-presenta ngadto sa Vicariate Gathering nga ipahigayon karong Hulyo 13, 2013.

Alang diha sa paggiya sa tibuok adlaw nga panagtigom gi-facilitate ni Mrs. Vicky Estoque aron mapasayon ug hapsay ang dagan sa mga datos nga angay pagatukion. Ug aron hapsay, gimugna ang napulo (10) ka mga grupo ug sa mataggrupo adunay mga facilitator nga dala ang mga papel nga adunay mga pangutana nga mogiya sa grupo sa pagtubag og pagtuki sa mga datos ug mga dokumento nga maoy mag-rekord sa nakalap nga mga impormasyon sa maong grupo.  Paghuman niana, ila kining gi-report sa mga kaubanang mga lideres ug diha sa maong pagtuki, daghan ang mga nakita nga mga sitwasyon nga nagapanghitabo sa atong katilingban karon nga angay hatagan og panahon alang sa maong solusyon.

Sa katapusan, daghan ang mipadayag sa ilang kasinatian nga maayo ang pagbansay-bansay sa mga datos nga angay pagatukion ilabi na diha sa Gagmay’ng Krostohanong Katilingban (GKK) nga maoy tumong sa Parish BEC-Data Validation.