Excellence in the Workplace

Gipahigayon ang “Excellence in the Workplace” Symposium sa St. Joseph the Worker Parish niadtong Agosto 13, 2016, 8 hangtud 11 sa buntag alang sa tanang school ug GKK catechists, ug parish formators gikan sa nagkadaiyang ministriya.

Matud pa sa speaker nga si Mrs. Naxedes Ibarle, ang Principal ug tag-iya sa Exegesis School sa Bajada, tumong sa maong seminar ang pagpahinumdom sa kaugalingong kinaiya diha sa trabaho ug pagsabot sa batasan sa kaubanan sa trabaho. Nanghinaut siya nga sa kanunay ang mga maayong birtudes ang mapaambit sa uban pinaagi sa mga natun-an sa katekesis.

Pipila sa gipaambit mao ang “7 Ups of Life” (1. Wake–Up, 2. Dress Up, 3. Shut-Up, 4. Stand-Up, 5. Look-Up, 6. Reach-Up, 7. Lift- Up). Gipalawman kini pinaagi sa pag-ila sa kalainan sa “Job” ug “Ministry” ug ang mga pasumbingay sa estorya sa The Carrot, The Egg, and The Coffee Bean.

Ang mga partisipante miuli uban ang pagkat-on sa pagtamud sa kamatinud-anon nga serbisyo inubanan ug gugma nga gikan sa kinahiladman sa kasing-kasing. (Carmen Timario | SJP SoCCom)