Ang kinabuhi dili video game

Si Pope Francis miingon nga ang kinabuhi dili video game kon soap opera ug nga ang atong tumong sa kinabuhi nga mao ang kaluwasan makab-ot sa seryosong pamaagi.

Kini iyang gibungat sa mga pilgrims sa St. Peter’s Square niadtong Dominggo subay sa ebanghelyo sa dihang nangutana ang usa ka tawo kang Hesus kung pila man ang maluwas.

Matud pa niya, dili mahinungdanon kung pila ang angay maluwas. Apan mahibaw-an sa tanan kung unsaon pagkab-ot sa kaluwasan. Ug ang pultahan sa kaluwasan, anaa lamang kang Hesus. Kita makabaton sa kaluoy sa Ginoo pinaagi sa paghigugma, ug pagpaubos.

Giimbitahan ni Pope Francis ang tanan nga maghinulsol ug handumon ang mga higayon nga nakasala sila tungod sa garbo. Iya usab gipahinuduman ang tanan nga maluloy-on ang Diyos.