IEC Experience Sharing San Pablo Vicariate

August 20, 2016

Gipahigayon ang International Eucharistic Congress sa San Pablo Vicariate niadtong Sabado, Agosto baynte sa St. Francis Xavier Regional Major Seminary, Catalunan Grande. Duha ka libong GKK Servant Leaders ang mitambong gikan sa upat ka parokya sa bikaryato nga mao ang San Pablo Parish, Ascension of the Lord Parish, San Isidro Labrador Parish, ug Our Lady of Lourdes Parish.

Sama sa nauna nang IEC experience sharing sa Sto. Rosario ug Sta. Ana vicariates, ang programa gisugdan sa Eucharistic Adoration nga gipangulohan ni Fr. Erwin Torres. Dayon ang pagwelcome sa tanang delegado. Pagkahuman, nagpaambit sa iyang kasinatian ang kura paroko sa San Isidro Labrador Parish nga si Fr. Joel Caasi sa iyang kasinatian kabahin sa iyang pagdaku ug ang kamahinungdanon sa pamilya ug eyukaristiya.

Kung naa day mother’s intuition, naa puy father’s intuition. “Balaan ang lamisa. The table is an altar. So, the table encourages us to talk. Let us always open the mouth except when the mouth is full. With the good we share, we are tasked to eat whatever we share.” Matud pa ni Fr. Caasi, di niya makalimtan ang pagkaon kauban ang iyang pamilya. Mahinungdanon gayud ang panaghiusa sa lamesa. Gusto sa iyang amahan nga kumpleto ang tanan. Eating at a table together as a family, na-realize niya nga importante kaayo ang pagkaon diin mag abot ang tanan, sama nalang sa iyang mga empleyado diha sa opisina sa parokya.

Nagpaambit sab ang magtiayong Acuña kabahin sa ilang kasinatian isip manimbahay kada adlaw ug ang tabang sa eyukaristiya sa mga pagsulay sa ilang pamilya. Gipahinumdoman ni Abp. Romulo Valles nga ang tanang blessing nga madawat iya gikan sa Ginoo. Kung makahuna-huna ta nga gipasagdan ta sa Ginoo, atong hinumduman nga palangga ta sa Ginoo, ug dili ta niya pasagdan.

Sa katapusan, nagpasalamat si Bp. George Rimando sa tanang delegado ug nag organisa niini. Ang pagpaambit sa kasinatian nahisubay sa mga pagtulon-an gikan sa 37th International Eucharistic Congress nga nahitabo sa Cebu niadtong Enero 24 hangtud 31 karong tuiga. (With report and photos by Alvin Hondos)