SMALL GROUP DISCUSSION. Aron mas malawman pa ang kasinatian sa nadunggan nga pamalandong sa IEC experience sharing, ang mga partisipante gikan Sto. Rosario Vicariate gihatagan ug pipila ka higayon nga makig-istorya sa ilang mga katapad base sa ilang kasinatian sa Eukaristiya. (Jun Flores)
IEC 2016 Gisinati sa mga Bikaryato
SMALL GROUP DISCUSSION. Aron mas malawman pa ang kasinatian sa nadunggan nga pamalandong sa IEC experience sharing, ang mga partisipante gikan Sto. Rosario Vicariate gihatagan ug pipila ka higayon nga makig-istorya sa ilang mga katapad base sa ilang kasinatian sa Eukaristiya. (Jun Flores)
Gitambungan sa mga GKK servant leaders (GSL) gikan sa lima ka parokya: Holy Family, Baliok, Sto. Rosario Parish, Toril, Immaculate Conception Parish, Mintal, San Lorenzo Ruiz, Talomo, ug Virgen delos Remedios Parish, nagsugod ang panagtigum sa pasiunang pagpasabot sa vicariate-level IEC sharing nga gihatag ni Vicky Estoque-Anghag sa Pastoral Office sa Arkidayosis sa Dabaw. Dayon ang pagsimba sa Balaang Lawas ni Kristo pinangunahan ni Fr. Leif Simbajon ug video play sa IEC Theme Song “Christ in You, Our Hope of Glory.” Mipaambit ang Direktor sa Social Communications Fr. Ritsche Gamaya sa iyang pamalandong gikan sa pamulong ni Bishop Barron sa IEC sa Cebu niadtong Enero. Gihatagan ug oras ang mga lideres nga mupaambit usab sa ilang nasabtan.
Testimonya sa Pamilya Ponce ug Tutor ang misunod human ang paniudto. Ilang gipaambit giunsa pagbag-o sa Eyukaristiya kon pagtambong sa Misa sa ilang kinabuhi.
Ang aktibidad gitapos sa usa ka misa nga gipanguluhan ni Most Rev. Romulo G. Valles, D.D. kinsa nagpasabot nga pinaagi sa pagpanaug sa IEC experience sa mga parokya, mas madasigon pa ang tanan nga magpakita sa Diosnong kalooy ug pagpangga sa uban. “To recapture the beautiful spirit of the recent IEC in Cebu ug experience sa Eucharist sa kinabuhi, makapalutaw unta kini sa maayong batasan; maayo unta sa Diosnong kalooy ug pagpangga,” sumala pa ni Abp. Valles.
Ang IEC experiences sharing magpadayon sa musunod nga bikaryato:
Sta. Ana – Agosto 13, 2016
San Pablo – Agosto 20, 2016
Sacred Heart – Setyembre 10, 2016
San Pedro – Setyembre 17, 2016
Immaculate Conception- Setyembre 24, 2016
St. James – Oktobre 1, 2016
Miuli nga malipayon si Genie Andres sa ICC Carmelo GKK, sakop sa San Lorenzo Ruiz Parish, Talomo tungod kay nadungagan napud ang iyang kahibalo kabahin sa Eyukaristiya. Nakaluhod nga ginadawat si Kristo, matud niya, “I give due respect to my Lord, Savior and King.”
Kahinumduman nga nahitabo ang ika-51 nga International Eucharistic Congress sa Cebu niadtong Enero 24-31. Mao na kadto ang ikaduhang higayon diin nahitabo dinhi sa Pilipinas ang IEC sukad Pebrero 3-7, 1937.
TESTIMONYA NI BROD. ANGELES P. TUTOR
Sto. Rosario Vicariate
We felt honored to be given this opportunity to share on how the Holy Eucharist touched and changed our live, our family.
Ang among pamilya sama sa ubang pamilya, dili perpekto ilabina niadtong panahon nga sa ngalan lamang ang among pagka-Katoliko. Bisan gidak an nako ang pagkamainampoon sa akong nanay, ulitawo pa ko o minyo na, maayo ug makasimba, maayo ug dili ang akong kinabuhi. Gani dunay mga higayon nga maghugoy hugoy ko sa akong mga kauban sa trabaho gikan sa among duty sa ospital nga alas 3 sa hapon hangtud alas 11 sa gabii, inay mouli na, mag inom pa, magkaon ug magsabong bisan kaadlawon na. Wala nako gihuna huna nga nasakitan na ang akong asawa. Niadtong panahona, maghilak ang adlaw kung di mi magbikil mi sa akong asawa bisan gamay lang ang hinungdan. Apan tuig 1999, gipakgang sa Ginoo ang akong pagkahisalaag. Migamit siya ug instrumento bisan sa unang higayon, ako siyang giingnan nganong ako may imbitahon nga mutuo man ko ug Ginoo. Dapat katong di muto ang agnihon. Apan human ang 13 ka semana nga seminar, nakasulod na mi sa Couples for Christ. Sa matag Dominggo sa seminar, gibati nako ang kahaw-ang sa akong espirituhanong kinabuhi. Busa nagsimba na mi matag Dominggo ug nag rosary kanunay sa gabii. Mibiya na pud ko sa akong bisyo. Dali lang diay kung atong puy-an ang pagka Kristohanon, ang Eyukaristiya sa atong kinabuhi.
Tuig 2003, bisan wala ko makatambong sa GKK election, napili kong usa ka Pangulo sa Liturhiya, samtang akong asawa,Secretary. Dili unta namo dawaton kay downtown ang among trabaho, shifting pud ko sa ospital. Apan maayo ang Ginoo, kay Setyembre 2003, nabalhin ko sa morning schedule. Kumpleto na ang council of leaders ug ginganlan namo ang kapilya nga Divine Mercy GKK. Sa karon, tapad na gyud siya sa among balay bisan pa man nga nagduha duha ug sugot akong asawa nga sa among luna kini matukod. Apan gihikap ang iyang kasing-kasing sa Diyos. Gidungog ang akong pag-ampo. Ako PSL, akong asawa, Secretary, akong kinamagulangan, gitarista, ang ikaduha, Pangulo sa Batan-on ug ang kamanghuran, overhead projector operator.
Nahimo usab kaming facilitators sa Family and Life Apostolate. Among ginapasabot sa mamahimong managtiayon ang kamahinungdanon sa kaminyoon. Tuig 2006 ning gradwar ko sa Ignatian Institute of Religious Education Foundation.
No Comments