San Pedro Cathedral Socio-Cultural Night: Sayaw ug ang Maayong Balita

“Wonderful Dances of the World” ang hugyaw nga gipasundayag gikan sa nagkalain-laing tulunghaan, ug uban pang batan-on sa GKKs. Kini kabahin sa Socio-Cultural Night sa San Pedro Cathedral nga gipahitabo sa Almendras gym niadtong Hunyo 25, 2016 atol sa ika-168 nga kapistahan sa maong simbahan sa Dabaw niadtong Hunyo 29.

Mitan-aw sila si Arsobispo Romulo G. Valles, Msgr. Leonardo Vicente, Fr. Amado Arroyo, Fr. Leomel Puerto, mga madre ug relihiyoso, parokyano, ug mga bisita. Susama sa pagpakaylap ni San Pedro Apostol sa Katolisismo sa tibuok kalibutan, mao usab ang tumong sa maong kalihokan nga maipakita ang kultura, pinaagi sa mga sayaw sa nagkadaiyang nasud sa kalibutan.

Punto ni Arsobispo sa iyang welcome address mao ang kalipay sa pagpakaylap sa Maayong Balita, pinaagi sa mga sayaw ug aron mailhan ang kultura sa ubang nasud sa kalibutan.

Matud pa ni Lea Arabis sa Virgen De Los Remedios Parish, “maayo kaayo ang ilang mga pasundayag, ug ako nagmalipayon sa akong na saksihan.”

Si Gie Rhea Jadulco sa Most Sacred Heart of Jesus Parish- Calinan usab miingon nga “nindot kaayo ang ilang socio-cultural night”

Gitapos ang pasundayag sa pagkanta sa “San Pedro Hymn” ug uban pang praise and worship na huni. Ang programa giorganisa sa parish youth apostolate nga gipanguluhan ni Roldan Baliano. (Jerick Nacion | DAYCA/SOCCOM)