Cluster Leader Conference sa St. Francis Parish, Ma-a

Mikabat sa 130 ka mga Cluster Leaders nga sakop sa Parokya ni San Francisco sa Assisi sa Maa ang mitambong sa gipahigayon nga unang Cluster Leader Conference niadtong Hunyo 30, 2013.

Tumong sa maong conference nga mapa-klaro sa matag GKK Cluster Leaders sa ilang duties and responsibilities diha sa ilang katilingban ug makig abi-abi usab sa mga kaubanang lideris sa matag GKK.

Usa ka adlaw nga gihimo ang maong conference nga nagsugod sa alas otso sa buntag hangtud sa alas kwatro sa hapon (8am-4pm) nga aduna usab gihatag nga input mahitungod sa Christian Leadership nga gipaambit ni Bro. Lito Echavez ang Parish Formation Coordinator ug ang Duties and Responsibilities nga gipaambit usab ni Sr. Marlene Sitoy, WCW ang Parish GKK In-charge.

Adunay 37 ka mga GKK nga sakop sa Parokya ni San Francisco sa Assisi ug sa matag GKK adunay siyam (9) ka-mga cluster leaders.

Sa katapusan, ang kura-paroko nga si Rev. Fr. Bong Gonzaga mihatag usab sa usa ka pasalamat sa mga lideres nga mitubag sa maong tawag ug panghinaot nga ang matag-usa magtambayayong alang sa kalamboan sa katilingban og kristohanong pag-alagad sa katawhan.

By Joemar Faelnar/Contributor