Malampusong Coverage sa Catholic Broadcast sa Election

Nagmalampuson ang tibuok adlaw nga coverage sa CMN Mati (DXHM/DXDV/TCTV) sa Election 2016 nga gitawag “Ronda Eleksyon: Bantay Boto 2016, gikan alas 5:00 AM-12:00 MN. Mapasalamaton ang tagdumala sa mga sibyahanan sa aktibong diwa sa mga nagboluntaryong reporters sa field ug sa buhatan sa Comelec, ug sa mga anchors sulod sa main studio, lakip ang mga nag-andam sa pagkaon alang sa mga nag-alagad niadtong adlawa. Gipadayon ang mga pagtulon-an sa E-CHAMP (Clean, Honest, Accurate, Meaningful, Peaceful Elections) sa kahanginan samtang gi-air ang mga panghitabo ug ang kahimtang sa daghang mga naglinya sa mga prisinto ug nasayran usab dayon ang mga nanghitabong problema lakip ang machine malfunctioning tungod sa mga reports.

Ang COMELEC nakig-alayon usab sa mga brodkaster tungod kay naglanog-lanog ang radyo sa ilang mga buhatan sa siyudad ug sa probinsya. Pagkahuman sab sa piniliay, gipaningkamutan sa mga reporters ang paghatag dayon og partial results gikan sa gihimong pag-ihap sa mga boto sa giilang dagkong mga prisinto sa siyudad. Sa samang bahin, gibantayan sab sa mga anchors ang mga update gikan sa telebisyon aron masibya kon si kinsa ang nag-una sa lumba sa pagka-presidente, bise-presidente, ug senador. Nagkahiusa usab ang kasundalohan ug kwerpo sa kapolisan sa pagbantay sa kahapsay ug kalinaw, ug gani human sa adlaw sa piliay, mitabang kini sa pagpanghinlo sa mga kadalanan aron mamintinar ang kalimpiyo sa palibot. Ang DORECO nagpahibalo sab nga hugot ang ilahang monitoring sa ilang mga linya samtang aduna sab silay stand-by generator aron dili gayud mahitabo ang brown-out gawas kon maggikan kini sa NGCP.  Nagpasalamat pod ang mga sibyahanang Catoliko sa mga sponsor nga mihatag og dakong suporta alang sa mga panginahanglan sa mga volunteer reporters and anchors. Sa katapusan ug sa kanunay—To God be the praise and the glory now and forever!