Presidente Aquino ang nanguna sa Mt. Hamiguitan Eco-Park Inauguration

Presidente Aquino ang nanguna sa Mt. Hamiguitan Eco-Park Inauguration
Si Presidente Noynoy Aquino mismo ang nanguna sa formal opening o inaugurasyon sa Mt. Hamiguitan Eco-Park sa lungsod sa San Isidro, Davao Oriental niadtong Mayo 4, 2016. Kini ang na-unang gikompirma sa Public Information Office (PIO) sa Kapitolyo. Nasayran nga na-una ng gitakda ang opening niadto niadtong Abril 28, apan wala kini nahinayon gumikan sa mga gikinahanglan pang pagpangandam ug gumikan sa hectic kaayo nga schedule sa Presidente. Ang eco-park ang magsilbi nga lakang pang-kalambuan sa lokal nga panggamhanan sa San isidro ug sa probinsiya sa Davao Or. aron ikaduso pa sa hingpit ang eco-tourism potentials sa lungsod ug probinsiya. Na-una ini, gipahayag ni Gov. Cora Malanyaon nga tukma lamang usab nga ma-develop pa gayod ang Mt. Hamiguitan human kini nahimong usa ka world heritage site sa UNESCO. Daku usab ang kalipay ni Mayor Tina Yu nga nahuman na ang maong proyekto, nga gilaumang moduso pa usab sa ekonomikanhon nga kalihokan sa lungsod. Gumikan usab kini kay gilauman na ang pagdagsa pa unya sa mga bisita human nga ma-ablihan ang eco park ug ang world-class Natural Science Museum sa tiilan sa bukid Hamiguitan. Si Malanyaon ug uban pang mga provincial officials ang misugat ug mi-akomodar sa pangulo.

Diocese of Mati gikampanya ang E-CHAMP
Ang tanang 19 nga mga Parokya sa Diyosesis sa Mati ug ang Catholic Media Network Mati sa Radyo ug Telebisyon ang aktibong gikampanya ang Clean, Honest, Accurate, Meaningful and Peaceful Election (E-CHAMP) sa tibuok probinsya sa Davao Oriental agig pagpangandam ug sa adlaw mismo sa pagboto. Kini usab ang gikauyunan sa kaparian sa ilang regular nga panagtapok kon Presbyterium pila ka bulan antes sa Mayo. Gipahayag ni Fr. Joel Sayson, ang Officer-in-Charge sa kampanya sa E-CHAMP nga kinahanglan gayud magpakabana ang matag-usa. Gisabutan nga i-activate ang maong kalihokan agig kabahin sa kanhi gikampanya nga Parish Pastoral Council for Responsible Voting (PPCRV). Magsugod ang kalihokan alas 9:00 ang takna sa buntag.