Blessing of Adoration Chapel in St. Francis of Assisi Parish – Maa

Dakong kalipay og pasalamat ang nahiaguman sa mga Parokyano sa San Francis sa Assisi nga sa kadugay’ng panahon nga ginahandum nga magtukod og bag-ong Adoration Chapel nahitabo na niadtong Marso 16, 2016 nga gi-blessingan sa Arsobispo sa Davao, Romulo G. Valles kauban sina Fr. Bebs Bastasa, Fr. Raul Nieves, ug Fr. Russell Bantiles.

Gisugdan ang maong Blessing pinaagi sa Santos nga Misa human gisunod ang rito sa pag blessing. Si Architect Jaime Gonzaga mao ang nag disenyo sa porma sa Adoration Chapel.

Dakong pasalamat ang gipaabot ni Fr. Bong Gonzaga, ang Parish Priest sa St. Francis of Assisi Parish – Maa sa mga taong nisalmot og walay pagduha-duha sa paghatag og tabang alang sa pagtukod og magmalampuson ang maong proyekto. Salamat sa mga Parokyano og mga volunteers nga nahimong nagmalampuson og mabulokon ang maong Blessing of Adoration Chapel. Ang Dios maga giya kaninyo kanunay uban sa pangama og kalooy sa atong Patron, San Francisco sa Assisi.