Pagpasabot sa katawhan Mahitungod sa Holy Door

Ginasimbolo sa Holy Door ang pag-agi sa mga Katoliko sa presensya ni Kristo aron mapaduol sa atong Amahan, ang Ginoo. Ginaablihan kini dungan sa pagselebrar sa Jubilee Holy Year.

Niadtong 1300, gideklara ni Pope Boniface VIII ang unang Holy Year. Sukad nianing higayon, ginaselebrar ang Jubilee Year mata’g 25 ka-tuig. Usa sa mga dagkong aspetong ginalantaw mata’g Holy Year mao ang pag pilgrimage sa katawhan.

Karong tuiga, ginaselebrar sa Katolikong simbahan ang “Jubilee Year of Mercy” diin giinagurahan kini ni Santo Papa Francisco dungan sa pag-abli sa Holy Door ngadto sa Roma niadtong Disyembre 8. Sa iyang homily, iyang giingon nga ang pag-agi sa Door of Mercy mao usab ang pagsulod sa katawhan ngadto sa “merciful love of the Father with complete trust and freedom from fear.”

“Let us, then, pass through the Holy Door of Mercy knowing that our side is the Blessed Virgin Mary, the Holy Mother of God, who intercedes for us. Let us allow her to lead us to the rediscovery of the beauty of an encounter with her son Jesus.”

Ang pag-agi sa Holy Door, usa ka makahuloganong lihok kon mag pilgrimage tungod kini usa ka misyong angay pagabuhaton sa mata’g Kristiyano isip iyang pagtabok gikan sa sala ngadto sa grasya sa Ginoo (passage from sin to grace).

Apan, dili basta-basta ang pag-agi sa Holy Door. Mata’g tawo nga muagi, angay nga masayran ug masabtan og maayo ang iyang pagdawat sa presensya ni Kristo, giubanan sa malig-ong pagtuo nga si Hesu Kristo ang anak sa Ginoo, ug ang mangluluwas nga mingsalbar, nagsakripisyo, namatay, ug nabanhaw alang sa kaluwasan sa katawhan. Sa ingon ining higayon lang maingon nga ang usa ka-tawo, tinud-anay gayod nga nakasulod sa presensiya sa Ginoo pinaagi kang Kristo nga ginasimbolo sa maong pultahan.

Mismong si Kristo ang miila sa iyang kaugalingon isip ang pultahan nga mahimong instrumento sa katawhan aron makaduol sa iyang amahan, ang atong Ginoo.