Divine Mercy Convention nagtutok sa Eyukaristiya ug Pilipinong Pamilya

Atol sa Pagsaulog sa Extraordinary Jubilee Year of Mercy gipahigayon ang 3rd Philippine Apostolic Congress on Mercy uban sa tema: “Mercy and the Holy Eucharist in the Filipino Family” niadtong March 8-11, 2016 sa SMX Convention Center sa City of Smiles – Bacolod City. Gitambongan kini sa mga Obispo pinangunahan ni Most Rev. Jose F. Oliveros, D.D., Divine Mercy Philippines National Episcopal Adviser, Bishop of Malolos, mga kaparian ug mga deboto sa Divine Mercy sa nagkalainlaing dapit sa Pilipinas.

Kapin sa 100 ka mga deboto nga nagagikan sa Davao City ang malipayong nitambong sa maong kalihukan inubanan sa maabtik nga Archdicesan Spiritual Director, Fr. Amado Arroyo ug ang walay puas nga pagdumala sa Archdiocesan Lay Coordinator Sis. (Tita) Emilia Sitjar. Malampuson ug malipayon ang grupo kay naghambin kini ug dakung paglaum nga bisan pa sa mga kalisod, mga problema nga moabot sa kinabuhi anaa gayud ang Kalooy ug Gugma sa Ginoo sa atong tagsa tagsa ka pamilya. Daku ang panghinaut sa grupo nga masinati kining maong kaluoy ug gugma sa atong Ginoo ngadto sa mga kaigsoonan natong nawad-an sa paglaum sa ilang kinabuhi ilabina sa mga kabus ug mga hinikawan. Sa dili madugay saulogon na usab nato ang Divine Mercy Sunday — 1st Sunday after Easter — nga gideklarar kini ni kanhing Pope John Paul 11 ug karon usa na ka santo. Sa dakung paglaum maangkon nato ang Kaluoy diha sa Santos nga Eukaristiya sa tagsa tagsa ka pamilya. (Sylvia G. Orbeta | SFAOP Soccom)