Lihok alang sa Alay Kapwa, padayon gihapon

Sa padayon niining gipahigayon nga Alay Kapwa karong tuiga sa Archdiocese sa Dabaw, adunay mahitabo nga Second Collection kabahin gihapon sa tema nga “Alay Kapwa, reaching out of God’s mercy to his people” subay sa pagsaulog sa Jubilee Year.

Ang musunod nga Alay Kapwa Collection mahitabo karong umaabot nga Marso 20,2016 sa Palm Sunday, ug matapos kini sa Marso 24 sa mga GKK sa adlaw sa Holy Thursday.

Duna pud silay ginatawag nga “Culmination” nga ipahigayon karong Marso 27 sa Easter Sunday.

Matud pa kang Sister Ma. Marissa A. Arado, TDM, sa Archdiocese Social Action Center (ASAC), dunay ipahigayon ang ASAC Office nga meeting sa Marso 12 alang sa pag-update kabahin sa funds sa Pundok Banay ug pagtapok sa mga report sa Alay Kapwa Funds.

Dugang pa ni Sister Arado, sa pagkakaron gibana-banaang anaa sa tulo (3) ka parokya ang wala naka-report sa ihap nga 38 ka parokya nga gisakopan niining pagpadagan sa Alay Kapwa.

Para sa atong pagkabalo, nga ang Alay Kapwa ginapahigayon matag sugod sa Lenten Season. Ang pagsugod niini gi-deklara kaniadtong Pebrero 10 sa adlaw sa Ash Wednesday.

Sa pagkakaron padayon pa gihapon ang pagpamando niining lihok sa Alay Kapwa sa matag GKK.