Pagpasabot sa tuig sa Kalooy

Part I: BASIC INFORMATION

1. MISERCORDIAE VULTUS GITAWAG UG ‘PAPAL BULL OF INDICTION.” UNSA MAN ANG “PAPAL BULL?”
   Sumala sa “Vatican Press Office,” Ang pulong “bull”—gikan sa Latin ‘bulla’ nagpasabot ‘bubble ‘ o bula, sagad, liingin nga butang – sa sinugdanan nag kahulugan sa “Metal capsul” gigamit aron sa pag protekta sa “wax seal” nga gidugtong uban sa pisi diha sa dokumento alang sa partikular nga panginahanglan aron sa pag matuud sa iyang pagkatinuuran og, isip sangputanan, sa gahum. “Paglabay sa panahon, ang pulong gigamit pagsugod aron sa pag-timaan sa silyo, dayon mismo sa dokumento, mao nga karong panahona gigamit kini alang sa mga dokumento sa Santo Papa nga nagbaton og espsyal nga bili, o ba kaha tungod kay sa tradisyuon kini nagdala, sa selyo sa Sto. Papa.” Kini nagkanayon. Ang “Papal bull” alang sa Balaang Tuig nag-pahayag sa mga petsa pag-abli ug pagtapos, og sa unsa nga mga pamaagi sa pag implementar niini, ug “mga katuyoan og mga sangputanan nga gilauman sa Santo Papa.”
2. UNSA ANG HUBILEYO SA KALOOY?
   Ang tuig sa Hubileyo mahitabo matag 25 ka tuig. Ang ulahing kasaulogan nahitabo niadtong 2000. Kining mga balaang tuig napuno sa mga espesyal nga mga kasaulogan ug mga panaw-duaw, ang gipanghingusgan nga panawagan sa pagbag-o ug paghinulsol, ug oportunidad sa pag-sinati sa grasya sa Ginoo pinaagi sa Sakrament, ila na ang Kompisal
3. KANUS-A MATAWAG OG ORDINARYO ANG USA KA HUBILEYO UG KANUS-A KINI MATAWAG OG EXTRAORDINARY?
   Ang Hubileyo mamahimong “ordinary” kon kini mahitabo human sa mga katuigan nga gigahin, og “extraordinary” kon kini iproklamar alang usa ka hinungdanon nga hitabo. Aduna nay 25 ka ordinary nga Balaang Tuig nga nahitabo; ang tuig 2000 mao ang ika 26. Ang custombre sa pagtawag “extraordinary” nga mga hubileyo nagsugod niadtong siglo 16th og kini nag kalahi sa katas-on gikan sa pipila ka adlaw ngadto sa tuig. Adunay duha ka talagsaon nga (extraordinary) nga mga Hubileyo niining kasamtangan nga siglo: 1933 nga giproklamar si Pope Pius XI aron sa pagtimaan sa ika- 1900th nga anibersaryo sa Kaluwasan ug niadtong 1983 nga giproklamar ni Pope John Paul II aron pagtimaan sa ika- 1950 ka tuig sukad ang kaluwasan gidala ni Kristo pinaagi sa iyang Kamatayon ug Pagkabanhaw sa tuig 33.
4. NGANO GITAWAG KINI UG TALAGSAON NGA HUBILEYO SA KALOOY?
   Ang talagsaong Hubileyo sa Kalooy mamahimong lab’ng hinungdanon nga nahitabo sa Simbahang Katoliko, nga ipahigayon gikan sa Kapistahan sa Imaculada Conception (Decemer 8), 2015 hangtod sa Kapistahan sa Kristo Hari (November 20, 2016) Sama sa ubang mga Hubileyo, kini mamahimong espesyal, balaang tuig sa pagpapas sa mga sala ug malukpanon’g kapasayloan, niining maong okasyon partikular nga nagpunting sa kalooy ug pasaylo sa Ginoo. Kini talagsaon tungod kay kini dili buut daan sukad pa kaniadto; kasagaran ang ordinaryo nga Hubileyo nahitabo matag 25 o 50 ka tuig. Gani gipahibali ni Pope Francis niadtong Marso 13, 2015. Ang ika-27 nga Balaang Tuig sa kasysayan , subay sa ordinaryong Hubileyo sa panahon ni Juan Pablo II isip Santo Papa. Ang adlaw sa pag-abli niini mao usab ang ika-50 nga anibersaryo sa pagtapos sa “Second Vatican Council”.
5. KANUS-A SAULOGON ANG HUBILEYO SA KALOOY
   Ang Balaang Tuig paga-ablihan sa Desyembre 8, 2015 ang Solemnidad sa Imaculada Conception ug kini paga tak-upon sa Solemnidad sa Krisong Hari sa Nobyembre 20, 2016.
6. NGANONG GIPILI MAN KINING ADLAWA?
   Gipili ni Papa Francisco ang petsa sa Desyembre 8, tungod sa kapuno sa kahulogan niini sa dili pa dugay nga kasysayan sa atong Simbahan. Gani iya kining giproklamar atol sa ika-50 nga anibersaryo sa pagtapos sa “Second Vatican Ecumenical Council”. Ang Simbahan gibati og dakung panginahanglan sa pagpabilin niining maong hitabo nga buhi. Diha sa Konselyo, ang Simbahan misulod og bag-ong dagway sa iyang kasaysayan. Ang Amahan sa Konselyo hingosganon nga mibati , isip tinuod nga ginhawa sa Espiritu Santo, ang panginahanglan sa pag-hisgot mahitungod sa Dios ngadto sa mga katawhan sa ilang kapanahonan diha paagi nga mas sayon o mas makab-oton. (MV 4)

   Mga Buhat sa Kalooy nga Lawasnon
   Pagpakaon sa gigutom
   Pagpainum sa mga giuhaw
   Pagbisti sa walay saplot
   Paghatag og kapasilongan sa walay kapuy-an
   Pagduaw sa mga bilanggo
   Pagduaw sa mga masakiton
   Paglubong sa mga patay

   Mga Espirituhanong Buhat sa Kalooy
   Pagtudlo sa mga way-kahibalo
   Pagbadlong sa mga nakasala
   Pagtambag sa nagduhaduha
   Paghuapay sa mga naguol
   Pagpailob sa mga sayop sa uban
   Pagpasaylo sa tanang pagdamal
   Pag-ampo alang sa mga buhi ug mga minatay

7. UNSA ANG KALOOY?
   Kalooy. Ang Latin, misericordiae, nagpasabot “ang kasingkasing kinsa naghatag sa iyang kaugalingon ngadto sa naalaot”. Sama sa atong mabasa diha sa Balaang Kasulatan. Ang kalooy maoy yawing pulong nga nagpadayag sa Diosnong buhat diha kanato. Wala lamang niya gipakita ang iyang gugma pinaagi sa pagmatuud niini, apan iya kining gihimo nga Makita ug mahikap. Ang kalooy us aka tulay nga nag konektar sa Dios ug sa tawo, pag-abi sa atong kasing-kasing diha sa paglaumnga kita gihigugma hangtuod sa kahangturan bisan pa sa atong pagkamasasala. Sama nga ang Amahan nahigugma, mao usab ang iyang mga anak. Sama nga siya maloloy-on, kita usab gitawag nga magpamaloloy-on sa usa’g usa. MV#3
8. UNSA ANG BALAANG PULTAHAN?
   Ang upat ka Basilica sa Roma adunay Balaang Pultahan (Porta Santa). Kining mga pultahana kasagaran gitrangkahan sa sulod aron dili kini ma-abli. Ablihan lamang kini panahon sa mga tuig sa Hubileyo, sa panahon nga ang mga nisalmot sa panaw-duaw moagi pinaagi sa maong pultahan aron makadawat sa plenaryo nga Indulhensya nga konektado sa Hubileo nga gisaulog.
9. UNSA MAN KINING PULTAHAN SA KALOOY?
   Kini Us aka espesyal nga Balaang pultahan nga paga-ablihan panahon sa Talagsaong Balaang Tuig (Extraordinary Holy Year) aron sa paghatag ug higayon sa mga magtotoo sa pagsinati sa hingpit sa Kalooy sa Amahan.
10. UNSAY KAHULUGAN/PAGKAHINUNGDANON SA BALAANG PULTAHAN?
    Sukad niadtong tuig 1300 dihan dihang si Papa Boniface VIII nideklarar sa unang Balaang Tuig, nabatasan na sa Simbahang Katoliko ang pagsaulog niining “Balaang Tuig,” kasagaran matag 25 ka tuig sukad niadtong 1470”, gawas sa espesyal nga higayon, sama sa tuig 1950 (us aka libo siyam kagatos ug singkwenta) nga anibersaryo sa kamatayon ug pagkabanhaw sa atong Ginoo.
11. UNSA ANG KALAMBIGITAN SA TAGSA-TAGSA KA BALAANG PULTAHAN (PORTA SANTA) NGA PAGA-ABLIHAN SA MATAG SIMBAHAN SA DYOSESIS?
    Sa ika-tulong Domingo sa Adbyento sa pag-abli sa Balaang pultahan sa Katedral sa Roma-nga mao ang Basilica sa St. John the Letran, ang Papa usab mopahibalo nga matag local nga Simbahan, ang Katedral – Ang Inahan nga Simbahan ang adunay espesyal nga kahulugan sama sa (Shrines), ang Pultahan sa Kalooy paga-ablihan usab sulod niining mga panahona sa tuig sa kalooy, tungod kay panahonsa pagbisita niining mga balaang lugar sa kanunay mahatagan og kapuno sa grasya. Samtang ang katawhan maka diskubre sa dalan sa pag-bag-o. Tungod niini matagparticular nga Simbahn sa bug-os moapil sa pagpuyo niining Balaang Tuig isip talagsaon “Extraordinary” nga panahon sa grasya us espirituhanon nga kabag-ohan. (MV2)
12. UNSA ANG BALAANG TUIG?
    Sa Romanong Katoliko nga tradisyon, ang Balaang Tuig, o Hubileyo us aka daung Reluhiyosong kalihukan. Tuig kii sa pagpasaylo sa mga sala ug usab sa mga silot nga angay niini, kin tuig sa paki’g uli tali sa mga kaaway, ug mosangput sa panaghiusa, paglaum, hustisya, saad sa pag-alagad sa Dios uban sa kalipay ug sa kalinaw diha sa atong mga kaigsoonan. Ang tuig sa Hubileyo labaw sa tanan tuig ni Kristo, kinsa nagdala sa kinabuhi ug grasya sa katawhan. Ang Hubileyo gitawag og Balaang Tuig, dili lamang tungod kay kini nagsugod, gitimaan, og nagtapos og solemne nga balaang mga buhat, apan tungod kay ang katuyoan mao man ang pag-awhag ug kabalaan sa kinabuhi. Sa tininuod kini gimugna aron s paglig-on sa pagtoo, pag-awhag sa buhat sa gugma ug ingsoon nga panaghiusa diha sa Simbahanug sa katilingban og sa pagtawag sa mga Kristianos nga mamahimong mas matinud-anon ug malahutayon sa ilang pagtoo ni Kristo, Ang bugtong Manluluwas.
13. KANUS-A ABLIHAN NI PAPA FRANCISCO ANG BALAANG PULTAHAN?
    Iyang pagpa-ablihan ang Balaang Pultahan sa St. Peter’s Basilica sa Martes, Desyembere 8, 2015, atol sa Solemnidad sa Imaculada Conception, Niining Adlawa, Ang Balaang Pultahn mamahimong Pultahan sa Kalooy diin kinsa kadtong molabang, makasinati sa gugma sa Dios kinsa mohupay, mopasaylo, ug mosilsil sa paglaum.(MV3)
14. KANUS-A MATAPOS ANG TUIG SA KALOOY?
    Ang tuig sa Kalooy motapos sa Nobyembre 20, 2016 – ang Solemnidad sa atong Dios, Hesucristo, Hari sa Kalibutan (cf. MV 5). “Niining tuig sa Hubileyo. Tugutan nato ang Ginoo nga mosorpresa kanato. Wlaa siya kapuya og abli sa Pultahan ug pagbalik balik nga siya naigugma kanato ug gusto nga mopaambit sa iyang gugma uban kanato. Ang Simbahan gibati og hinanali nga panginanahanglan sa pag proklamar sa Kalooy sa Ginoo. Ang Iyang kinabuhi tinuod ug katoohan lamang kon siya mamahimong madanihon nga magsasangyaw sa kalooy…”

PART II: MISERICORDIAE VULTUS: Bull of Indiction

1. UNSA ANG BASIHANAN DIHA SA BALAANG KASULATAN SA TEMA ALANG SA “EXTRAORDINARY JUBILEE YEAR?
   “Busa pagmamluluy-on kamo sama nga maluluy-on ang inyong Amahan”. (lk.6:36). Buot nato nga puy-an kining maong “extraordinary Jubilee Year” diha sa lamdag sa mga pulong sa Dios; Maluluy-on sama sa Amahan. Ang ebanghelista nagpahinumdom kanato sa gitudlo kanato ni Hesus kinsa miingon: “Busa pagmaluluy-on kamo sama nga maluluy-on ang inyong Amahan”. Usa kini ka matang sa kinabuhi nga masuknaon tungod kay kini puno sa kalipay ug kalinaw . . . Maluluy-on sama sa Amahan, busa, mao ang “motto” niining Balaang Tuig. Diha sa Kalooy, kita nakakita og kamatuoran kon giunsa kita paghigugma sa Ginoo. Gihatag niya ang iyang tibuok kinabuhi, kanunay, gawasnon, ug sa walay pagpangayo og balos. Niabot siya alang sa pagtabang kanato sa higayon nga ato siyang tawagon.
2. UNSA ANG BASIHANAN NGA MGA PULONG NGA NAGTIMAAN SA AKSYON SA GINOO DIHA KANATO?
   Kalooy isip basihanan nga pulong nga nagtimaan sa aksyon sa Ginoo diha kanato. Kalooy. Ang Latin, misericordiae, nagpasabot “ang kasingkasing kinsa naghatag sa iyang kaugalingon ngadto sa mga naalaot”. Sama sa atong mabasa diha sa Balaang Kasulatan. Ang kalooy maoy yawing pulong nga nagpadayag sa Diosnong buhat diha kanato. Wala lamang niya gipakita ang iyang gugma pinaagi sa pagmatuud niini, apan iya kining gihimo nga makita ug mahikap. Ang kalooy usa ka tualy nga nagkonektar sa Dios ug sa tawo, pag-abli sa atong kasing-kasing diha sa paglaum nga kita gihigugma hangtod sa kahangturan bisan pa sa atong pagkamakasasala. Sama nga ang Amahan nahigugma, mao usab ang iyang mga anak. Sama nga siya maloloy-on, kita usab gitawag nga magmaloloy-on sa usa’g usa. MV#3
3. UNSAY PAPEL SA KALOOY SA KINABUHI SA KATAWHAN UG SA SIMBAHAN?
   “Ang kalooy sa Ginoo dili sa hunahuna lamang , apan kini konkreto nga reyalidad diin siya mipadayag sa iyang Gugma sama sa amahan o inahan, dinasig sa kahalawon diha sa gugma sa ilang mga anak” ang Papa misulat. Ang tanan niyang mga pastoral nga kalihokan kinahanglan maapas diha sa kalumo nga iyang gipakita sa mga magtutuo. “Ang Simbahan makakuha og pagtagad sa iyang misyon isip saksi sa Kalooy”. “Bisan asa anaa ang Simbahan, ang kalooy sa Amahan kinahanglan matataw. Sa atong parokya, katilingban, asosasyon, ug kapunungan, sa pulong, kon asa adunay mga Kristianos, matag-usa kinahanglan makakita og tinubdan sa kalooy” (MV 12)
4. KINSA ANG DAGWAY SA KALOOY?
   Si Hesucristo ang dagway sa Kalooy sa Amahan”. Niining mga pulong sa pag-abli si Papa Francisco nagpahigayon sa tono sa tibuok dokumento ug nag-paila sa kinauyokan sa “Misteryo sa Kristohanong Pagtoo”. Kon ang mga kristianos maghisgot sa kalooy, sila dili lang mga ordinaryong nagduso alang sa kalumo, kamaloloy- on, kamanggihatagon ug kamasinabtanon. Ang kalooy sa walay duhaduha nagdala niining tanan, apan ang kalooy una sa tanan naglarawan sa kinaiya sa Ginoo. “Diha sa “pag-abot sa hustong panahon (Gal 4:4) kon ang tanan nahan-ay na sumala sa plano sa kaluwasan, iyang gipadala ang iyang Anak sa kalibutan, natawo pinaagi kang Birhen Maria, aron sa pagpadayag sa iyang gugma kanato diha sa tino nga pamaagi. “Ang nakita kanako nakakita usab sa Amahan (Jn 14:9). Si Hesus sa Nazareth sa iyang mga pulong, sa iyang lihok ug sa iyang kinatibuk-an nga pagka tawo nagpadayag sa kalooy sa Ginoo”. (MV 1)
5. UNSA ANG MISTERYO SA KALOOY?
   Kalooy maoy mapuanguron nga pag-atiman sa uban, diin ang usa nagpas-an sa kabug-at sa uban diha sa iyang kaugalingon. Kini usa ka aktibo nga panagway sa pagkamaloloy-on nga gitukmod sa gugma. Ang Bibliya nagpakita sa Ginoo isip maloloy-on og nag-mando sa mga katawhan nga magmaloloy-on. Ang kalooy maoy tuburan sa kalipay, kakalma, ug kalinaw. Ang pulong nagpadayag sa bug-os nga misteryo sa Balaang Trinidad. Kalooy: ang tulay nga nagkonektar sa Ginoo ug sa tawo, pag-abli sa atong mga kasingkasing diha sa paglaum nga kita gihigugma hangtud sa hangtud bisan pa sa atong pagkamakasasala (MV2). Ang kalooy maoy sagradong natawhan sa pagpasaylo ug tinuud nga kamapuanguron.
6. UNSA MAN ANG TAWAG SA SIMBAHAN ALANG KANATONG MAGTOTOO NIINING EXTRA JUBILEE YEAR?
   Ang simbahan naghimo sa iyang kaugalingon nga alagad niining gugma og mipangama niini ngadto sa tanang katawhan: ang gugma nga nagapasaylo ug nagpahayag niini diha sa gasa sa kaugalingon. Isip sangputanan, kon asa ang simbahan, ang kalooy sa Amahan kinahanglan dayag. Sa atong mga parokya, katilingban, asosasyon o kapunungan, sa pulong, kon asa adunay mga kristianos, matag-usa kinahanglan makakita og tinubdan sa kalooy” (MV 12)
7. KINSA ANG MAKASULOD SA PULTAHAN SA KALOOY? UNSA ANG ATONG MAKUHA KUNG KITA MOSULOD NIINING PULTAHAN SA KALOOY?
   Si Hesus niingon “Ako ang pultahan. Ang mosulod agi kanako maluwas. Makasulod-gawas siya ug makakaplag siyag masibsib. Mianhi ako aron makabaton kamo ug kinabuhing madagayaon” (Jn 10:7-10) Niining panahon sa tuig sa kalooy, si Papa Francisco nagdapit kanato sa pagpamalandong sa tuyo sa Balaang Pultahan. Ang Pultahan sa Kalooy diin kinsa kadtong mosulod makasinati sa gugma sa Ginoo kinsa mohupay, mopasaylo ug motisok og paglaum. Ang Ginoo nalipay diha kanila nga nagsalig sa iyang gugma. (Psalm 147:11)
8. UNSA ANG TINUBDAN SA KALOOY NI KRISTO?
   Sa tibuok misteryo sa katawhan, ang Ginoo maoy kanunay nga anaa, suod, maalimahon, balaan ug maloloy-on. Diha sa pagtutok sa atong mga mata diha kang Hesus og sa iyang maloloy-on nga pagsud-ong, kita makasinati sa gugma sa Balaang Trinidad. Ang misyon nga nadawat ni Hesus gikan sa Amahan mao ang kinatibuk-ang pagpadayag sa misteryo sa sagradong gugma. “ang Dios Gugma” (1jn4:8, 16) Kining maong gugma nahimon karong makita ug mahikap diha sa tibuok kinabuhi ni Hesus. Ang Dios makatingalahan sa iyang kalooy, ang Dios nagpili kanato ngadto sa kahalangdon ug himaya pinaagi sa kamot sa Iyang Anak nga si Hesukristo. Ang magtutuo makakaplag sa iyang kaugalingon diha kang Kristo ug sa hingpit nga maglipay sa tibuok kaayuhan sa mga bunga sa kalooy sa Dios.
9. SA UNSANG PAAGI GIPAKITA NI HESUS ANG IYANG PAGKA-MALOLOY-ON?
   Si Hesus atong modelo sa kalooy. Walay makatupong kang Hesus. Siya miagi sa kinabuhi uban sa mga tulumanon nga puno sa mga importanteng tahas apan sa kanunay makakita og panahon sa paghunong ug pag-atubang sa mga panginahanglan niadtong mga nagpalibot kaniya. Ang pagtabang sa uban dili usik sa panahon alang kang Hesus. Ang iyang mga prioridad lahi ra kaayo niadtong mga kalibutanon. Sa pagkanaog gikan sa bukid human sa paghatag og makusganon nga wali, siya nakahimamat og sanlahon nga nagakanayon, “Sir, kon gusto nimo makahimo ka paghinlo kanako”. Gihikap siya ni Hesus ug giingnan, Gusto ko, Mamaayo ka!” (Mt.8:1-3) Wala gayud nato mabasa diha sa Bibliya nga si Hesus nakahimamat og tawo nga nangayo og panabang og siya midumili pagtabang kanila. Bisan hangtud sa katapusan, nakita nato si Kristo, gilansang sa Krus sa kalbaryo, himalatyon nga gitung-an sa duha ka kawatan. Sa iyang mga kamot nga puno sa iyang kaugalingon nga suliran, apan, naminaw sa hangyo sa kawatan, siya gibati og dakong kalooy.
10. SA UNSANG PAAGI MAPADAYAG NATO ANG KALOOY UG GUGMA SA DIOS NGADTO SA MGA TAWO NGA WALA MAKASINATI OG GUGMA UG KALOOY SA IYANG ISIG KATAWO?
    Sumala ni Markos 4:24, ang pagpakita sa kalooy nagpasabot sa pag-atiman sa mga panginahanglan sa katawhan nga nagpalibot kanato. Ang kalooy maoy kanunay nga paglakaw uban sa abli nga mga mata ug buhat diha sa gagmay nga singgit alang sa panabang. Kini mahitabo matag adlaw diha kanato og ato kining mabati kon kita abli niini. Kita makatagbo og mga dagway nga minarkahan og kasakit, kabalaka, kahadlok ug kaguol. Gibati nga adunay sayop og angayan nga hatagan og pagtagad, aduna kitay duha ka kapilian: pagpabilin nga dili magtagad o manumbaling ngadto sa nag-antos o pagpaduol uban sa kutoyuan sa pagtabang. Anaa si Hesus kanato isip perpektong modelo tungod kay ang tanan sa Iyang kinabuhi nagsalamin sa Iyang Amahan. Si Hesus ang nag-ingon, “Busa pagmaluluy- on kamo sama nga maluluy-on ang inyong Amahan.” (lk. 6:36)

    Adunay karaan nga tradisyon nga ang babaye diha sa kadaghanan, adunay kalooy kang Hesus samtang siya naglakaw sa dalan sa kasakit sa krus, nagkuha og tualya og gipahiran ang iyang nawong. Ang buhat sa maong babaye wala matapos sa iyang pag-antos apan si Kristo natandog nga Iyang gibilin ang marka sa iyang nawong didto sa tualya. Ang maong estorya usa ka sugilanon, apan tinuod nga ang bisan unsa nga buhat sa kamaayo o buhat sa kalooy nga atong gibuhat sa uban, tungod sa Ginoo nagbilin og walay katapusan nga marka sa atong kalag og kasagaran sa kalag niadtong atong gitabangan. Kitang tanan nasayod nga, atubangan sa terebling kinaiya sa pag-antus ug panginahanglan sa katawhan, ang kapaninguhaan nga atong ihatag mura og wala lamang. Usahay ang atong mahatag mao lamang ang usa ka inamigo nga mga pulong ug lihok sa kalooy.

11. UNSA ANG SUKDANAN SA SIMBAHAN SA PAGHATAG SA KALOOY?
    Ang Simbahan gisugo sa pagsangyaw sa kalooy sa Dios, ang pitik sa kasingkasing sa Ebanghelyo, nga diha sa iyang pamaagi kinahanglan motuhop sa kasingkasing ug hunahuna sa matag tawo (MV12). Ang kalooy maoy pagbansay sa inigsoon nga gugma., og kini nagpakita kanato sa konkreto nga mga paagi sa inkarnasyon sa gugma: ang pakig’uli ug ang paglingkawas gikan sa mga kaalaot. Ang mga gitudlo ni Hesus nagpadayag kanato nga ang pagbansay sa kalooy mao lamang ang bugtong ug ang malukpanaong pamaagi nga magtukod og praternidad (nga maghimo kanatong managsoon), Mao kini ang mensahe sa Maayong Samaritanhon, nga mao ang sambingay sa tinuod nga kalooy ug inigsoonay nga gugma. (Lk 10:25-37)
12. UNSA ANG MGA PRAKTIKAL NGA MGA PAMAAGI SA PAGPUYO SA BALAANG TUIG?
    Ang Santo Papa nagtawag kanato og mga praktikal nga mga pamaagi sa pagpuyo og maayo sa Balaang Tuig: pagbuhat og panaw-duaw isip “impetus to conversion” (MV14); ayaw pag hukom o pag-kondenar hinoon pagpasaylo ug paghatag, paglikay sa mga pagpanglibak, kasina ug kaibog; pagbaton og abli nga kasingkasing diha sa mga ribete sa katilingban ug pagdala ug kahupayan, kalooy ug kahiusahan sa katawhan kinsa nagpuyo sa masakit nga sitwasyon; pag-himo sa mga Mga Buhat sa Kalooy nga Lawasnon ug sa mga Espirituhanong Buhat sa Kalooy uban sa kalipay; ug buhata ang “24 Hours for the Lord” pagpasiugda, nga makadasig sa pag-ampo ug ang sakramento sa pagpakig-uli sa matag dyosesis panahon sa kwaresma.
13. UNSA ANG PONDASYON SA TINUOD NGA HUSTISYA?
    Ang hustisya ang salamin sa karakter sa Dios. “usa ka amahan ngadto sa mga walay amahan, ug nanalipod sa biyuda.” (Ps. 68:4-5). Mao kini ang usa sa Iyang dako nga nabuhat sa kalibutan. Siya nagpaila diha sa walay gahum. Siya nagdala sa ilang causa. Ang hustisya sa Dios mao ang iyang kalooy (Ps. 51:11-16). “Ang Dios dili mosalikway sa hustisya,” Ang atong Santo Papa nagpadayon sa pagsulti “Hinoon siya nagsulod niini og giisa kini uban sa dakong hitabo (kalooy) diin kita makasinati sa gugma isip pondasyon sa tinuod nga hustisya. (MV21)
14. NGANO NGA SI MARIA MAOY NAPILI NGA INAHAN SA KALOOY?
    Si Maria ang tinuod nga “obra maestro” sa kalooy sa Ginoo sa kalibutan pinaagi sa iyang gasa sa Imaculada Conception. Laing rason nga kita insakto sa pagtawag kang Maria nga “Inahan sa kalooy” mao nga siya mao ang pinili nga mamahimong Inahan sa Dios. Sa laing pagkasulti siya ang inahan sa maluluy-on nga manluluwas, og niining paagiha nagdala sa Diosnong Kalooy sa pagkatawo sa atong kalibutan. Sa dihang gidawat ni Maria sa dakong pagpaubos ang tawag ni Anghel Gabriel, sa tinuod nagsabak sa iyang tiyan og gipakatawo sa kalibutan, ang maluluy-on nga Dios nahimong tawo., ang kalooy nahimo’ng tawo, si Hesucristo. Si Maria mao ang Inahan sa Kalooy tungod kay ang iyang Anak, Si Hesucristo, gipadala sa Amahan isip pagpadayag sa Diosnong Kalooy. (Jn 3:16-18).