“Week of Prayer for Christian Unity 2016”, sugdan Peb. 14

Pagsaulog sa “Week of Prayer for Christian Unity 2016” sa Dakbayan sa Dabaw karong Pebrero 14 hangtud 21.

Ang week of prayer for Christian unity niining tuiga saulugon ubos sa tema nga “Called to proclaim the mighty acts of the Lord” (cf. 1 Peter 2:9), ug gipangulohan nila Fr. Pete Lamata, Direktor sa Archdiocesan Center for Ecumenical and Interreligious Dialogue (ACEID), ug si Pastor Roger Lofranco, Conference minister sa UCCP sa Davao City ug Davao del Sur.

Adunay mga “Ecunemical Prayer” nga pagabuhaton sa mga Katolikong simbahan ug sa mga Protestant Churches alas 6 sa gabii matag-adlaw. Sa Katolikong simbahan ipahigayon kini sa St.Jude Parish, San Pedro Cathedral, Camp Quintin Merecido Chapel sa Camp Catitipan ug sa Chapel sa Armed Forces of the Philippines sa Camp Panacan. Samtang sa United Methodist Church sa Obrero, Episcopal Church sa McArthur Highway Matina, Philippines Independent Church Cathedral sa F. Torres St., ug sa United Church of Christ in the Philippines (UCCP) sa GSIS Village Matina alang sa mga Protestante.

Pagatambongan kini sa mga nagkalain-laing sekta sama sa mga Pastor, Protestante, Pari, Madre, mga Katoliko, miyembro sa Focolare Movement, Kasundalohan sa Armed Forces of the Philippines (AFP) ug Philippine National Police (PNP). (Raff Armedilla & Kelvin Rufo | HCDC MassComm Interns)