“Pista sa Virgen Delos Remedios, Kasado Na!”

Personal mismo nga gi anunsyo sa Parish coordinator sa VDLR nga si Ruth Luna nga kasado na ang maong programa alang sa umaabot nga kapistahan sa birhen karong Pebrero dos.

Ang maong pista tambongan sa unom ka distrito sa maong lugar ug mag tapok-tapok sa VDLR sumala pa kay Luna.

Nobyembre pa lang ila nang gipangandaman ang maong pista ug sila nagpahigayon og ginatawag nga “PANAW DUAW” diin ilang iprosesyon ang birhen sa matag lain nga distrito sa ilang lugar.

Ang maong pagsaulog magsugod na sa Enero 31 diin nay ipahigayon nga misa nga pangunahan ni Rev. Fr. Alfeo Botero. Sa Pebrero 1, bisperas sa kapistahan ang maong misa pangunahan ni Rev. Fr. Ritsche Gamaya ug alas 2 sa hapon, adunay ipahigayon nga kompirmasyon nga pangunahan ni Arsobispo Romulo Valles.

Usa sa mga highlights sa maong pista ang prosesyon sa birhen sa taknang alas tres sa kadlawon adlaw sa kapistahan ug sundan dayon kini og misa nga pangunahan sa Parish Priest nga si Rev. Fr. Johnny Autida. (Renzy Julls Quirog | Irven John Valenzuela)