Viva Sagrada Pamilya! Modelo nga Pamilya Gipasidunggan

Gipasidunggan ang usa ka managtiayon kinsa malampusong naka-amuma sa Kristohanong pamaagi sa 12 ka mga anak.

Atol kini sa ika 11th nga Kapistahan sa Parokya sa Holy Family Parish, Baliok, nga nagsaulog sa tema: “Ang pagsaulog sa Pasko diha sa Kristohanong Banay, uban sa Sagrada Pamilya.“

Duyog sa kapistahan, gilunsad ang “Huwarang Pamilya“, kung diin ang Family & Life Apostolate, PSKB ug mga Lideres sa matag GKK nangita ug mga pamilya nga gipuy-an ang pagtoo ug pagsunod sa plano sa Ginoo diha sa pamilya. Pinaagi sa pag endorsa sa matag GKK napili ang unom ka mga finalists nga nag representa sa 6 ka Community sa Parokya.

Ang mga Finalists, mao ang pamilya, Bernard & Rose Balaman, Benigno & Fe Ardientes, Dennis & Artemia Habana, Elizalde & Diana Diola, Pablo Jr. & Arnila Catipay og Herminio & Vilma Layson.

Sa Final Screening, napili ang pamilya Layson, nga adunay dose ka mga anak tungod kay wala sila migamit ug Artificial Birth Control, bisan sa yano nga panginabuhi nakapatapos sila sa kadaghanan sa ila mga anak. Ang kaangayan sa dose ka mga anak makita sa ilang pagpadako sa mga bata ug kung aduna may problema ila kaning ginalingkuran nga pamilya ug gina storyahan ang solusyon.

Mapasalamaton ang mga parokyano sa Sagrada Pamilya, sa presensya ni Arsobispo Romulo Valles, nga miduyog sa selebrasyon sa kapistahan ug maoy nangunay sa pagtaud sa mga sash, mihatag sa mga Certificate of Recognition ug sa Cash na pahalipay. Si Arsobispo Mulong, giubanan sa among pinalanggang Kura Paroko, Fr. Ricky C. Penalosa.