Confraternity of Our Lady of Lourdes

“Dili para sa kaugalingon kundili sa mga kauban,” kini sumala pa sa kasamtangang presidente sa Confraternity of Our Lady of Lourdes, San Francisco de Assisi, Maa, Dakbayan sa Davao nga si Ivy Jane Daugdaug.

Ang Confraternity of Our Lady of Lourdes nagadawat ug mga babaeng nag edad ug 10 hangtod 19 anyos. Diyes anyos nagsugod si Ivy isip miyembro sa Confraternity, dayon Gipili siyang presidente pagkahuman sa upat ka tuig. Sa karon lima ka tuig na niya kining ginadumala.

Ang maong grupo ang isa sa mga nanguna sa mga pag-ampo sa parokya. Ang misa hilabi na niadtong Oktobre ginasugdan sa Santo Rosaryo matag 5:30 sa buntag sa unang Sabado. Kini ginasundan ug formation matag ikaduhang semana. Ginahatagan usab ug importansya sa grupo ang family devotion, nga ginahimo matag-alas 4, ikatulong Domingo. Ang ikaupat nga semana nagadepende nalang sa giya sa ilahang coordinator nga madre.

Dili ikalimod ni Ivy nga matinud-anong kasingkasing sa pagserbisyo ilawom sa giya sa inahan natong tanan ang sikreto sa paglahutay. (Jhong Magdaherin)