‘Model Catholic Family,’ paglusad gianunsyo

Ang Christmas gathering panagtigum sa tanang mga magtiayon nga nagalihok sa Family and Life Apostolate (FLA) isip mga Facilitators sa Precana Seminars ug uban pang mga programa sa pagpalambo sa pamilya ug kinabuhi. Gikan sa nagkalain-laing parokya sakop sa Arkidayosis sa Dabaw, nahitabo kini sa St. Francis of Assisi Parish, Laverna, Disyembre 5. Tumong sa maong tapok nga makapasalamat, mapalawom pa ang kasuod sa matag usa, ug maambitan ang mga grasya nga gibubu sa Dios diha sa tagsa-tagsa ka pamilya.

Ang mga parlor games gisalmutan sa daw morag mga bata tungod sa kalipay. Nagpasundayag usab ang pipila sa mga bikaryato sa ilang mga Christmas songs. Nahimong mas maundanon ug mabulukon ang panagtigum tungod kay ang Archdiocesan FLA Director, Rev. Fr. Orly Angelia nagpresenta sa iyang Audio-Visual presentation aron mas mapasayon ang pagpahigayon sa Precana seminars sa parokya. Nanghinaut unta nga kini magamit sa pagsabwag sa kamahinungdanon sa malahutayong relasyon sa magtiayon ngadto sa mga okasyon sa nagkalain-laing pundok sa Simbahan.

Siya sa dakong pagpasalamat sa mga lumilihok sa programa, nag-apod-apod sa iyang mga regalo, ngadto sa tanang parokya. Matud niya, ang tanang mga gilatid nga kalihukan mahimong hapsay ug unta mapahigayon ang tanan.

Sa umaabot nga kapistahan sa Sagrada Pamilya, Dec. 27, ilusad ang Enthronement of the Holy Family ug Bible ngadto sa matag pamilya nga nahisakop sa matag parokya, apil usab ang “Search for Model Catholic Family” nga ipahigayon sa GKK level, Parish Level ug Diocese level sulod sa 2016 – “Tuig sa Yukaristiya ug Pamilya.”

Nagahangyo usab siya sa suporta nga gikinahanglan aron ang FLA slot sa DXGN 89.9 Spirit FM, “Kristohanong Pamilya” matag Miyerkoles sa 5-6pm. Matud pa sa nagpasiugda niini nga sila Tess Marañon ug Rolly Acuña, kini ang kahigayonan nga makapaambit ang FLA aron makab-ot ang pagmugna ug malipayong pamuyo (Building a happy home).

Ang Precana lead couple, Nice Ranario nagkanayon, “Nalipay ko sa pakighimamat sa akong co-workers sa apostolate, well-planned, dili lang kasadya, aduna usab kitay nakat-onan nga pamaagi aron mahimong epektibo ang atong pagkamasangyawon.

Ang tanan nanghinaut nga ang matag pamilya puy an ang Pulong sa Diyos diha sa pagsangyaw aron mabalaan ang matag usa/pamilya subay sa panig-ingnan ni Hesus, Santa Maria ug San Jose. (Amie Desquitado | SJP SoCCom)