Unang Parade of Saints sa Sona Dos 2024 Gidagsa

Nagkahiusang nagsaulog ang Sona Dos sakop sa Parokya sa Our Mother of Perpetual Help nga gilangkuban sa taga GKK San Vicente Ferrer – Spring Valley ug GKK San Vicente Ferrer – Lopzcom, GKK Sta. Teresa de Availa – Maglana ug GKK Our Mother of Perpetual Help – Sandawa. Mao kini ang unang higayon nga gisaulog ang maong Parade Saints nga may temang MGA SANTOS: Mga bayani sa pagtuo ug buhat. Kining kasaulogan nahitabo atong Nobyembre 01, 2024 sa alas 2:30 sa hapon sa GKK San Vicente Ferrer – Spring Valley sa Buhangin, Davao City.

Kining higayona mao ang pagpasidungog sa mga Santos sa tibook kalibutan. Kapin kon kulang sa 250 ka tao ang misalmot sa maong kalihukan ug kapin 70 niini mao ang nagsoot ug mga costume nga haum sa ilang mga na-assign na santos ug mga anghel. Gisugdan kini ug registration para sa mga partisipante. Pag-abot sa Alas tres sa hapon nagpahigayon ug katekesis alang sa dugang input mahitungod sa mga santos ug ang mamumulong mao si Roberto Cagas-PSL. Gisunod dayon ang main event nga Parade of Saints. Sulod sa maong parada, mao ang pagpasundayag ug sayaw og doxology sa matag kapilya nga maagihan. Nahuman ang parada sa takna sa alas 6:30 sa gabie.

Sa alas 7, nagpahigayon ug Santos nga Misa sa pagsaulog sa Solemnidad sa tanang mga Santos nga gipangulohan sa kura paroko sa OMPH nga si Fr. Gary R. Alvarado C.Ss.R. ug human niini gisunod ang panihapon.

Mapasalamaton ang tanang GSL sa Sona 2 sa mga tao nga miapil ug mitabang tungod sa malampuson nga kalihokan sa All Saints Day. Daghan sad mga bisita sa taga lain sona ang nakigduyog sa maong kalihukan ug usa kini sa dapat nga saulogon sa mga kristiyano kay tungod ang pulong nga Halloween nagagikan sa Holy o balaan nga dapat dili sootan ug makahadlok nga mga costume.

(By Mary Grace P. Gonzales | OMPH Parish Soccom)