Maria, dalha kami kang Jesus

(An excerpt of the homily of the Most Rev. Romulo G. Valles, D.D., during the 76th Parochial Fiesta of Sto. Rosario Parish in Toril, Oct. 7, 2024.)

Angayan natong bantayan, sama sa atong piyesta karon, piyesta tibuok kalibutan, the Catholic world. Pero ang piyesta dili musangko sa Mahal nga Birhen, iyang fiesta, kanunay gyud niyang fiesta, higayon nga kita pahinumdoman nga siya, ang atong debosyon kaniya mudala kanato ngadto sa iyang anak. Kon gamiton nako ang akong pulong, interpretation, murag ma dismaya ang Mahal nga Birhen, murag malain ang Mahal nga Birhen kung ang atensyon nato sa iya.

Nindot mudayeg kita kaniya, muhatag ug pag-venerate kaniya apan human niana dalhon kita ngadto sa Ginoo, kay siya man ang Dios, ang iyang [Mary’s] anak mismo mao gyuy kanunay sentro sa atong pagsimba bisan pa dakong piyesta sa iyang inahan.

Atong basahon karon utro ang atong pag-ampo miingon kita, “Pour fourth we beseech you Oh Lord, grant into our hearts, we to whom the incarnation of Christ your son was made known by the message of an angel, may through the intercession of the Blessed Virgin Mary by his passion and cross we, maybe brought to the glory of His resurrection.” Kon duna man kitay ihangyo sa Mahal nga Birhen karon, atong pagdayeg kaniya, atong pag-venerar kaniya, ang sumada niana nga kita, dalhon sa iyang pangaliya ngadto sa himaya sa pagkabanhaw sa iyang anak, sa himaya nga walay katapusan.

Busa, nindot gyud ang debosyon sa Mahal nga Birhen, Our Lady of the Holy Rosary, kay lagi sa sumada gyud magdala kini kanato ngadto kang Jesus nga atong manunubos.