Pagdawat sa Hagit

Niadtong milabay nga Domingo, September 22, 2024, mao ang unang pagpahigayon sa binulan nga misa sa Sto. Niňo Gagmay’ng Kristohanong Katilingban (GKK) Purok 61, Bulusan, Bangkal, Davao City, nga gipangulohan ni Rev. Fr. Alcris Panganiban, Parochial Vicar sa Our Lady of Lourdes Parish sa Bangkal, sa alas nwebe sa buntag.

Kini nga kalihokan suportado sa mga GKK Servant Leaders ug miyembro sa katilingban pinaagi sa pagtinabangay sa paghinlo, pag-arrange sa mga bulak, og pag-andam sa kapilya.

Ang Pangulo sa Katilingban (PSK) nga si Ms. Selma Arendain nagpapuli sa iyang kwarenta ka tuig sa pag-alagad isip PSK ug sa grasya sa Ginoo gidawat ang hagit sa responsibilidad sa maong katungdananan ni Bro. Jomar O. Butaya, 36 years old, ug kanhi miyembro sa Parish Youth Apostolate. Gisaksihan ang turn-over sa mga Servant Leaders ug miyembro sa GKK, ug ang tanan nibati ug kalipay sa pag welcome sa bag-ong PSK.

Bag-o gitapos ang Santos nga Misa, gihatagan ni Rev. Fr. Alcris Panganiban ug pahinumdum ang outgoing PSK nga mopadayon gihapon sa pagserbisyo sa lain nga pamaagi. (Leo P. Patos, OLLP SoCCom | Photos by Rowena Villaflor)