Mga Awit Halad sa Dios

Adlawng Sabado, petsa 21 sa bulan sa Septembre gipahitabo ang usa ka talagsaon nga prayer concert sa Padre Pio Spirituality and Formation Center didto sa Brgy. Matina Biao. Kini hatod sa mga kamadrehan sa Apostles of Jesus Crucified kauban sa Padre Pio kids, pinangulohan ni Maestro Nelson Bitang uban sa iyang kapikas nga si Mrs. Nanan Bitang.

Sa alas syete sa gabii gisugdan ang maong konsyerto pinaagi sa exposition sa Balaang Sakramento diin si Rev. Fr. Jakub Biernacki, MIC ang maong nagsaulog. Binase ang mga pag-ampo sa han-ay sa ACST nga ang pasabot: A-doration, C-ontrition, S-upplication ug T-hanksgiving. Diha sa matag pag-ampo dunay mga awit nga pasundayag aron sa pagpalawom sa pagpamalandong ug dugang sa pagkasolemne sa maong hitabo.

Sumala pa sa ilang superior nga si Sr. Ma. Angela Remonde, AJC kini nga prayer concert namugna tungod sa kadaghan sa mga hangyo sa pagpa-ampo nga ilang madawat matag adlaw. Usa kini ka pamaagi nga ang tanan maka halad sa pag-ampo atubangan sa Balaang Sakramento. Angay lamang kuno nga halaran sa mga pagdayeg ang Dios pinaagi sa mga awit ug hymno isip ekspresyon sa syagit sa kasingkasing. Panghinaot ni Sr. Ma. Angela nga ang tanan nga nakasaksi, pisikal man o pinaagi sa internet, madasig sa pagkonekta sa Ginoo pinaagi sa lawom nga pag-ampo ug pag-awit.

Mapasalamaton ang mga AJC sisters sa suporta sa mga parokyano sa St. John Paul II Parish sa Los Amigos apil ang ilang kura nga si Rev. Fr. Russell Bantiles kauban ang parochial vicar nga si Rev. Fr. Soren Abellanosa kinsa mitambong usab sa maong konsyerto. Padayon usab ang pagpasalamat sa mga kamadrehan sa mga mitabang sa pagtapos sa maong formation center ug sa mga kanunay nga nagpadayag sa ilang suporta, apil ang mga mission partners nga nagpahitabo sa live coverage sa DXGN Spirit FM nga sila si:

1. Mr. & Mrs. Nelson Bitang and Family
2. Tita Nanan Bitang
3. Mr. & Mrs. Alden Melgarejo
4. Mr. & Mrs. Rey Polinar
5. Bukas Loob sa Diyos
6. Engr. & Mrs. Nelson Mapa and Family
7. Ms. Dulce Mae Llacuna
8. Mr. & Mrs. Delbert Donguya
9. Mr. & Mrs. Romulo Remonde
10. Mr. & Mrs. Patrick Barcenas and Family
11. Mr. & Mrs. Matthew Aarts and Family
12. Mr. & Mrs. Henry Evangelista and Family