Makanunayong Pag-ampo

Gisaulog ang kapistahan ni San Padre Pio sa Pietrelcina didto sa Order of Friars Minor sa SGR Village Catalunan Grande. Ang maong “friary” sa mga kapariang Capuchin nakagamugna og usa ka katilingban nga nagdeboto sab kang San Padre Pio ug pipila kanila ang kanunay nga musalmot diha sa sinemana nga panagtapok alang sa Santos nga Misa ug mga pag-ampo.

Ang maong katilingban nakamugna nasab diha sa tradisyon sa pagpangandam sa kapistahan sa maong patron apil ang pagpahigayon sa live coverage pinaagi sa DXGN Spirit FM. Alas dyes sa buntag gisaulog ni Rev. Fr. Roberto Peralta, OFMCap ang Santos nga Misa didto sa dakong hawan sulod sa “friary” kung diin anaa ang dakong estatwa ni San Padre Pio.

Sa pagsugod sa misa, si Fr. Boying miingon, “this mass does not end our celebration on the contrary it challenges us to continue our celebration.” Sulod sa iyang homiliya siya nagpadayag nga ang selebrasyon magpadayon pagtapos sa misa, gani bisan paghuman sa fellowship lunch, tungod ang tema nagkanayon, “Maampoong pagkinabuhi dinasig ni St. Padre Pio duyog sa sinodo nga simbahan.” Siya nalipay diha sa pagpunting sa hagit nga mahimong magmakanunayon ang pag-ampo sa mga deboto ug sa mga mitambong sa maong Santos nga Misa.

Kahinumdoman nga si San Padre Pio usa gayud sa mga nagduso ug kanunay nga gapahinumdom sa kabalaan, kamahinungdanon, kaimportante sa makanunayon nga pag-ampo. Gani usa sa mga pinaka sikat nga pulong nga gikan kaniya mao ang “pray, hope and don’t worry.”

Pagkanindot hinumdomon nga dili lamang ang pag-ampo mahitabo sa panahon nga kita anaa sa kalisod apan bisan sa atong kalipay ug kaharuhay.

Mapasalamaton ang tanan diha sa mga mission partners nga naghimo’g posible sa live coverage, daghang salamat nila:

Magdalena Sabado, Mila Taojo, Mr. & Mrs. Charlon Mejorada, Margarita Bauto, Mr. John & Mrs. Raquel Laorden, Engr. & Mrs. Dionisio Suaybaguio, Elaine Del Rio, Ma. Cristina Zulueta – Gaceta, Grace Tan, Amor Cecilia Batingana, Mr. Nick Niog, Melecia Escleto, Mylyn Araceño, Vergie Lucero and Family, Joe & Emily Madrona and Mr. Rene & Mrs. Jane Imas.