Gahum nga alang sa Kinabuhi ug dili sa kamatayon

Nasayod kita nga ang mga bata sa panahon sa atong Ginoo, mga babae, mga langyaw, low-grade way status busa ang bata maot nga simbolo. Ha, Busa mosulod ka sa gingharian sa langit sama sa usa ka bata? Wa manay bili. Miingon si Hesus gusto mo mosulod sa langit ang inyong huna-huna ug kasing-kasing sama niining usa ka bata. Kon kamo buot mosunod Kanako kinahanglan magpaubos kamo ug moalagad sa uban. Tan-awa Ako nga inyong giila nga Ginoo, dakpon itaral, accusation mopas-an sa Krus, ilansang sa Krus mamatay ug sa ikatulong adlaw banhawon Ako. Katong tumoy katong giingon Niya nga banhawon Ako, wala na sila nakadungog. Kay nalisang sila, ang Ginoo dakpon bugal-bugalan, ilansang sa Krus, naglibog sila.

Ang atong giila nga patron anghel sa Ginoo, sa pagsulti bahin kaniya ilabina sa Old Testament, giyera kaayo ug porma ba, mao may style nato, ug karon pa na nga larawan, nagdala na nag armalite, kay giyera man to. Pero paglarawan lang kana pero ug atong tan-awon ang labing importante nga nagpaluyo sa larawan mao ang sulogoon sila sa Diyos. Sila ang mga sundalo sa Diyos. Atong usbon manlalaban sila, mga anghel sa Diyos ug usab maglarawan sila sa kinaiya sa ilang boss, usa ka boss, usa ka Mesiyas nga mapaubsanon. Mura gani ug pildi gihapon Siya diha sa Krus. Kung namati ka San Miguel ug kung kamo mga alagad, labing ubos kamo. Kung buot kamo mahimong sakop sa gingharian, sama kamo sa usa ka bata. Akong balikon siya ang larawan sa gahum sa Diyos, larawan nga mapaubsanon, larawan sa gahum sa Ginoo nga bisan daw ang gahum sa kalibutan mudaog. Kinahanglang kamo nga misunod Kanako including St. Michael ang inyong style mapaubsanon. Mudaog gayud kamo kalibutan nga labing ubos, sulogoon sama sa usa ka bata.

Magdayeg kita dili sama sa usa ka sundalo sa pagkahawud, dili sundalo sa bangis nga gahum, dili sundalo sa bahandi, dili sundalo sa labing abtik nga modominar, nga may kuwarta ug gahum, dili. Maong ang mga tinun-an nahibulong sila wala makasabot sa style sa maalagarong Diyos kay ang gahum sa Diyos, gahum sa pagpangalagad. Ang Iyang gahum sama sa usa ka bata nga kanunay mosalig sa Iyang Amahan.

Ang Iyang gahum alang sa kinabuhi Dili sa kamatayon. Gahum nga life giving, gahum sa sama sa ingon sa Ginoo nga mamatay ang usa ka lugas nga trigo aron mamunga. Gahum nga daw sa mata sa kalibutan pildi diha sa Krus. Gilansang sa Krus, namatay sa Krus apan dili tungod sa atong gahum apan gahum sa Diyos nabanhaw sa ikatulong adlaw.

Busa kung kita sulogoon, kita mga bata nga nagsalig sa gahum sa Diyos uban kang San Miguel. Mangutana kita, siya nagdala ug espada, unsa kaha ang mga kakangitngit nga angay natong batukan, mapukan dili sa espada apan sa pagtuman pagsunod ug paglaum sa kabubut-on sa Ginoo.