Si Jesus ang Tinuod nga kalipay

Ika-21 nga Domingo sa Ordinaryong Panahon (August 25, 2024)
Joshua 24:1-2a, 15-17, 18b / Ps. 34:2-3, 16-17, 18-19, 20-21, 22-23 / Ephesians 5:21-32 / John 6:60-69

Sa dihang daghan sa mga sumusunod ni Jesus mibalik sa ilang kanhing paagi sa pagkinabuhi, tungod kay dili sila makatoo nga Siya mao ang Pan sa Kinabuhi. Sa pagkatinuod si Jesus masulub-on nga milingi sa Iyang pagtagad ngadto sa Iyang napulog-duha ka mga apostoles ug miingon kanila: “Buot ba usab kamo mobiya?” Kini ang milyon-milyong dolyar nga pangutana nga giatubang sa dose ka mga apostoles, “Gusto ba usab kamong mobiya?”

Alang sa kadaghanan kanato ang mga pagtulun-an ni Jesus sa tinuod lisud sundon. Pananglitan ang Iyang mga pagtulun-an mahitungod sa Pagpaubos. Pila man sa ato ang andam muhalad sa pikas aping kung maigo sa pikas.

Iyang mga pagtulun-an mahitungod sa pagkamatinud-anon sa Sakramento sa Kaminyoon. Nagmatinud-anon pa ba kita sa atong tagsa-tagsa ka kapikas? Ug daghan pa ang mga pagtulon-an nga gusto ni Jesus nga atong sundon apan dili kita, sa yano nga rason nga gusto natong matagbaw ang atong yutan-ong mga tinguha.

Atong tan-awon, lisud ang pagsunod kang Jesus tungod kay Iyang palihokon ang atong kinabuhi sumala sa Iyang gusto nga mahitabo. Si Jesus mobalit-ad sa atong kinabuhi, Iya kining uyogon ug samok hangtod nga kita maputli. Ug kini lisud alang kanato tungod kay gusto nato nga sundon ang atong kaugalingon nga pagserbisyo sa kaugalingon nga gusto ug usahay imoral nga mga tinguha.

Apan asa man ta moadto? Gisunod nato ang dikta sa unod ug niining makasasalang kalibotan? kung ingon ani man lagmit padulong gyud ta sa impyerno, makatilaw ug mabati nato kung unsa ang naa sa impyerno samtang buhi pa kita niining kalibutana.

Pinaagi lamang ni Jesus nga kita makabaton og kalinaw, nga kini nga kalibutan dili makahatag kanato’g tinoud nga kalipay ug pinaagi lamang ni Jesus nga kita makabaton sa kinabuhing dayon. Ang mga butang nga naa kanato karon temporaryo lang; ato kining biyaan o gani biyaan ta niini bisan unsang orasa.

Busa ang pangutana karon: ato ba usab nga biyaan si Jesus alang sa daghang mga tentasyon niining kalibutana? (Fr. Ranie Boy Pamplona)