58 Ka tuig nga dinasig ni San Juan Marie Vianney, 82 ka tuig uban sa pamilya (Part 2 of 2)

Pakighinabi uban si Msgr. Edgar Rodriguez ni Christine Mae Camus

Christine: Pwede ba nimong i-share ang usa ka experience nimo nga nagamit gyud nimo ang self-discipline sa pipila ka higayon nga imong gikinahanglan diha sa imong pagka-pari.

Monsi: Sa training sa seminaryo gitrain mi anang gitawag nga, “agere contra”, sa ato pa buhata ang dili nimo gusto. Buhata ang kontra, “gusto ko ani, kay lami ni.” Buhata ang kontra. Mao na nga pananglit run, didto sa seminaryo sauna nga ang mga pagkaon naa pa may mga dessert, na train nako nga bisag unsa kalami nang pagkaon, magbilin ko’g gamay. Unya mangutana na akong tapad, “nganong imo manang gibilin nga gamay ra gani na?” Ingon ko aron ma train ang akong kabubut-on nga kamao ko magpugong, nga unta lami mana pero di ko na hutdon. Aron makatuon ko nga makapugong ko sa akong kaugalingon. Mao kanang self-discipline naka tabang na sakua kay ako sauna tinuod lang initon kaayo ko’g ulo, murag naglukdo ko’g baga, init gyud kaayo. Mao na uban sa akong pag-ampo, “Ginoo kuhaa ni sa ako,” mura pud kog San Pablo pud ba, “kwaa ni Ginoo, kay hilabihan gyud ka init.” Akong kumo usahay akong magamit sa kainit sa akong ulo, mga pultahan buto-buto na siya. Kaluoy sa Ginoo, naka kat-on ko, kaning tanan grasya gyud ni sa Ginoo kay makaingon gud ko ug pastilan kay ug kining hitaboa, init kaayo ko’g ulo, guba ang kalibutan. Nagpasalamat gyud ko sa Ginoo, mao na didto atong 50 years nga priesthood, ako man tong giingon nga “by the grace of God, I am who I am, from St. Paul.” So mao na grasya ragyud sa Ginoo maoy nagpadangat nako niining taas taas nga panuigon ug maka padayon pako sa pag-alagad sa Ginoo, labi na sa Santos nga Misa nga akong gipangandaman kanunay kutob sa akong mahimo, kada adlaw naningkamot ko nga mag holy hour diha atubangan sa Santissimo Sacramento, dili kanunay nako matuman pero mao gyud na siya, kay nakaapil ko sa mga pundok sa mga pari kanang Jesus Caritas, nga among gisaad nga mag holy hour kada adlaw, bisan ang among grupo nagka tigbulaag mi pero ang kada usa namo naningkamot paghimo nianang gisaad namo nga bulohaton nga holy hour atubangan sa Santissimo Sacramento kada adlaw kana ang naka tabang pagmaayo sa akoa mao na nga ako pong gidasig akong mga kaubanang mga pari, kanang debosyon sa Eukaristiya kay konektado kaayo ang atong kinabuhi, kana mao nay sakramento sa mga sakramento. Ingon ta source and summit of Christian life, labaw na sa pari.

Christine: Sa unsang paagiha kaha makatabang sa misyon sa simbahan ning Expanded Presbyterium nga dunay conversation in the spirit?

Monsi: Nalipay kayko nga naay ingon niana, nga akong nakit-an nga ang simbahan kaniadto mura og mga obispo, kaparian, ug wala kaayo ma hatagi ug higayon ang tingog gikan sa mga layko kay ang simbahan lawas mana ni Kristo, tanan kita bahin sa usa ka lawas ni Kristo. Nalipay ko nga nahitabo ni kining synodality, maghiusa tang tanan, mga sakop sa lawas ni Kristo pagpalambo sa gingharian sa Dios kay mao manay tuyo sa pagtawag sa Dios kanato, aron kada usa nato naay ika-tampo sa pagpadangat sa gingharian sa iyang hingpit nga katumanan, ang atong ulo mao man si Kristo ug kita ang lawas ni Kristo, bahin ta sa maong tuyo sa Ginoo nga mudangat ug hingpit nga katumanan ang gingharian sa Dios. Mao na nalipay kaayo ko abli ang tanan pagdawat sa panghunahuna sa matag-usa isip usa ka lawas ni Kristo.

Christine: Unsa imong pag-ampo diha kang San Juan Marie Vianney alang sa imong personal nga bokasyon ug sa imong mga kaubanang pari?

Monsi: Ang akong pag-ampo ron, mao nga makadangat ko sa langit. Ang ako nga makadangat ug himaya sa Dios ang akong mga bulohaton. Kini ron, dili man kaayo ko anad ini gani, ug kini makatabang paghatag ug himaya sa Dios, bisag lisud para nako dawaton kay dili kaayo ko ing-ana ka kuan bitaw, mura ug labi na sauna, murag mutago ko ba. Mao na hapit gani ko wa ma pari tungod sa akong gitawag ug social insecurity bitaw, mao nang sagubangon kaayo nako nang muatubang ug mga tawo nga daghan, unya mao na naa ko sa shrine, magmisa na gani ko, “gibutang gyud ko sa Ginoo, nianang dili nako gusto.” Ako unta, adto rako sa gamay nga parokya, sa layo pero mao nay, ug mao nay makahatag ug himaya kaniya, bisag lisud buhaton nako, kay mao nay atong tuyo, maghatag tag himaya sa Ginoo.