58 Ka tuig nga dinasig ni San Juan Marie Vianney, 82 ka tuig uban sa pamilya (Part 1 of 2)

Pakighinabi uban si Msgr. Edgar Rodriguez ni Christine Mae Camus

Isip kabahin sa ika-75 nga anibersaryo sa Arkidiyosis sa Davao, sa pagsaulog sa kapistahan ni San Juan Marie Vianney, karong Agosto 4, ang patron sa mga kaparian, atong gitutokan karong Agosto ang pag-umol sa mga klero. Sa espesyal nga bahin nga atong makahimamat si Rev. Msgr. Edgar Rodriguez, nga nagsaulog sa iyang ika-55 nga tuig sa pagkapari niadtong Mayo 1, 2024. Sa edad nga 82 anyos, si Msgr. Ed mipaambit sa iyang kasinatian ug pamalandong sa kinabuhing pari nga natisok sugod pa sa iyang pamilya.

Christine: Alang kanimo sa unsang bahina nga nagkihanglan pa ang kaparian sa pormasyon?

Monsi: Alang sa akong kaugalingon, sa akong kaugalingon pud nga kasinatian, nangandoy ko nga kining mga pari makabaton og debosyon sa Eukaristiya, kay kanang pormasyon siguro kay ang Eukaristiya mao man ang sakramento sa mga sakramento, ang ubang mga sakramento, ang tuyo niana nga nagkita muadto sa Eukaristiya, ug mao na ang Eukaristiya sentro pud sa kinabuhi sa pagkapari. Akong pangandoy nga magbaton ang kada pari ug debosyon sa Eukaristiya. Pananglit diha sa pag-gahin ug personal prayer atubangan sa Santissimo Sacramento kay sa akong kaugalingong kasinatian maoy nakahatag nakog kalig-on diha sa akong bulohaton isip pari, isip alagad sa Ginoo. Busa dungagan kanang debosyon sa pari ngadto sa Santissimo Sakramento pinaagi sa paggahin kada adlaw, bisag mubo lang nga personal prayer atubangan sa Santissimo Sakramento.

Christine: Karong Agosto 4, ang kapistahan ni St. John Marie Vianney, isip patron sa mga parish priests, unsang bahina ang wala kaayo matagad kaniadto nga karon bililhon na kaayo nga kinahanglan kaayo sa atong panahon?

Monsi: Sa akong pamalandong ang kulang namo sauna siguro katong, gitagaan ug dakong pagtagad sa simbahan ang pormasyon sa mga pari, nga kanang gitawag ug human formation mao na nga kanang naay Galilee, Tagbadbad aron masabtan ug dugang sa mga pari ang iyang pagkatawo aron makaila siya sa iyang kaugalingon, aron pag-ila sa iyang kaugalingon, magamit siya sa Ginoo sumala sa iyang pagkamao ug mao na akong tan-aw nga sa among panahon wala kaayo nahatagan ug pagtagad. Sa among panahon gibaid man ang utok, ang academics labi na mga Jesuit akong mga formator, daghan akong formator, mao na ang gitagaan ug dakong bili mao gyud ang academics ug ang imong utok. Mao na ang ubang bahin sa imong pagkatawo, imong pagbati murag wala kaayo matagad, wala kaayo mapasabot nga ang tawo dili lang utok, naa siyay uban nga bahin sa iyang pagkatawo ug kana makaingon ko nga karon naay daghan natutukan na siyang bahina ug makatabang sa pormasyon sa mga pari.

Christine: Sa paglabay sa panahon unsay kalahian sa imong pagkapari, o mas specific man kanang sa parokya?

Monsi: Kaniadto, lisod kaayo ang pag-adto sa mga hilit nga dapit sa GKK. Kaniadto baktason namo duha ka oras una maabot ka didto na tunog ka sa singot, unya igo lang ka makailis dayon magpakumpisal ka sa kapilya. Kanang baktason namo sauna’g duha ka oras, karon maabot sa motor, maabot ug sakyanan, maabot baynte, baynte-singko minutos. Mao nay kalahian. Ang laing kalainan mao pud nang komunikasyon nga daghan kaayong mahinabang diha sa social media, kay kaniadto bisag naay sunog sa syudad, sunod adlaw kana mahibaw nga naa diay sunog. Mura bitaw’g giingon pa nga ang kalibutan kaniadto naa sa guwa, karon ang kalibutan naa na sa bulsa, nganong naa man sa bulsa, naa ma’ng cellphone sa bulsa. Mao na ang komunikasyon bisan asa sa kalibutan, matawag nimo imong igsuon tua sa Germany, tua Austria, usa na siya. Pero ang tanan nga maayo, mao mana ang pag-ampo rong Dominggoha, magpatabang ka sa Ginoo aron gamiton nato sa maayo nga paagi ang mga maayong butang nga gihatag sa Ginoo nato. Kay bisan unsang maayo nga butang, depende mana sa paggamit sa tawo. Ikaw ra may magda sa imong kaugalingon, wa may lain makapuyo sa imong kinabuhi, ikaw makahibaw ka magpugong sa imong kaugalingon. Mahibaw-an nimo ug diin ka huyang, diin ka lig-on ug mao na makabantay ka aron dili ka mahulog sa mga dautan nga bunga pud sa maong mga butang gihatag sa Ginoo depende sa paggamit sa tawo. (To be cont.)