Pag-uswag sa pagtoo kang Kristo

Ika-17 nga Domingo sa Ordinaryong Panahon (July 28, 2024)
2 Kings 4:42-44 / Ps. 145:10-11, 15-16, 17-18 / Eph 4:1-6 / John 6:1-15

Unsa ka lig-on ang imong pagtoo kang Jesus? Ang usa ka matoohon nga tawo kanunay nga moingon, ang tanan posible alang kang Jesus apan ang usa ka tawo nga walay pagtoo mapakyas nga makakita sa walay kinutuban nga gahum ni Jesus.

Sa atong ebanghelyo nakita ni Jesus ang dakong panon sa katawhan nga nagsunod Kaniya. Gisulayan ni Jesus ang pagtoo ni Felipe pinaagi sa pag-ingon kaniya, “Asa man kita makapalit ug igong pagkaon nga ilang kan-on?” Si Felipe mitubag kaniya, “Duha ka gatos ka adlaw?’ ang suhol sa pagkaon dili paigo alang sa matag usa kanila nga makabaton ug gamay.’” Uban sa iyang negatibong tubag napakyas si Felipe sa iyang kaugalingong pagsulay sa pagtoo.

Sa wala madugay, nakita ni Felipe ang milagro sa mga tinapay ug isda atubangan sa iyang mga mata. Uban sa lima ka pan nga sebada ug duha ka isda gipakaon ni Jesus ang gigutom nga lima ka libo ka mga tawo. Ingon sa pag-ingon kang Felipe nga magsugod sa pagbaton og pagtoo tungod kay Siya naghimo sa mga butang nga posible alang niadtong adunay pagtoo.

Maglakaw kita kanunay inubanan sa dakong pagtoo ug dili pinaagi sa atong panan-aw sa atong pagkadisipulo sa Ginoo. Kung gusto nato ang usa ka butang nga halangdon ug takus ug naghunahuna kita nga imposible kaayo nga makab-ot nato kini. Ato kining pamalandongan ug susihon nato ang atong pagtoo basin ubos na kaayo, mao bitaw’ng mag-ampo kita kang Jesus para sa grasya sa pag-uswag sa pagtoo.

Kay ang bisan unsa nga atong gusto gikan sa Ginoo maangkon nato samtang kita adunay pagtoo. Dili nato kalimtan nga gipakaon ni Jesus ang lima ka libo pinaagi sa lima ka pan nga sebada ug duha ka isda. Busa, gihimo ni Jesus ang tanang butang nga posible alang niadtong adunay pagtoo. (Rev. Fr. Ranie Boy Pamplona)