Alegre nga ika-156 Kapistahan sa NSDC Zone 8

Ang GKK Nuestra Sra. Del Carmen sa Matina Aplaya sakop sa San Pablo Parish nagsaulog sa ilang syento singkwenta’y sais (156) nga kapistahan niadtong Hulyo 16, 2024, uban sa tema nga, “Birhen Maria Inahan sa Kalooy ug Gugma, ubani kami sa among pagpanaw isip piniyalan ug tinugyanan niining among katilingban.”

Una maabot ang kapistahan, matag Dominggo nagpahigayon ang mga batan-onan sa pagraktis sa mga bata alang sa opening salvo ug pagpamaligya sa ilahang raffle ticket.

Hulyo 07, 2024 gisugdan ang rosaryo ug nobena sa alas singko sa hapon. Daghang salamat sa mga presider sa among kasaulogan.

Hulyo 09, 2024 gipahigayon ang novena mass nga gipanguluhan ni Fr. Allan Rodriguez, Kura Paroko sa San Pablo Parish sa alas sais sa gabii. Hulyo 10,2024 sa alas ocho sa gabii, mao ang worship night nga gipahigayon sa mga youth ug mga bata. Hulyo 14, 2024 sa alas nwebe sa buntag gipahigayon sa mga youth ang interactive game alang sa mga kabataan ug pagka gabii sa alas ocho gipahigayon ang Cultural Night ug raffle draw sa mga ticket. Hastang ka alegre tungod matag cluster nag pasundayag sa ilahang talent apil ang mga bata, hamtong pari, ug ang mga youth.

Hulyo 15, 2024 sa alas kwatro sa buntag gipahigayon ang prosisyon sa mahal na patron. Hulyo 16, 2024 sa alas tres sa kabuntagon, gipahigayon ang Diana isip pamukaw sa katilingban sa among GKK aron sa pagmata, maka pangandam sa Fiesta Celebration. Sa alas syete y medya sa buntag mao ang highlight nga mao ang Fiesta Mass nga gipangunahan ni Fr. Zaldy Abonales, ug kini live diha sa Facebook sa DXGN 89.9 Spirit FM.

Nagmalampuson ug mabungahon ang kapistahan sa among mahal na patron na si Nuestra Sra. Del Carmen. Kaming mga GSL, nagpasalamat sa mga prayer warrior leader sa pagrosary matag-adlaw sa mga nagsuporta sa mga event sa youth, mga sponsor sa live coverage nga sila si: Alicia Morillo, Lucille Magallanes & Family, Estrellado Clan, Rosalinda Joyo, Cresencia Verina, Ruel & Helen Sedon, Analy Baran, Lilian Gales, Teresita Francisco Samson, NSDC Cluster-3, Jennelyn Naberos, Maria Luisa Macabenta, Walter B. Valencerina, Ricardo L. Rival & Family, May Ann Valencerina Nable, Calzo Family, Bonifacio Lisondra, Jeanita Martinez & Family, Iloha Amora Magat & Family, SK of Matina Aplaya, ug sa mga butang na among napalit tungod sa mga sponsor. Sa pagtudlo sa sayaw kay Jennelyn Naveros, hilabi na sa mga GKK leaders & officers of Nuestra Sra. Del Carmen Zone 8. (Nhenz Betonio)