Tingog sa Magbalantay sa Segment sa 5th DaDiTaMa Youth Convention Nahimong Mahinungdanon ug Bililhon alang sa mga Batan-On

Dako ang kalipay sa mga kabatan-onan sa Archdiocese of Davao, Diocese of Digos, Diocese of Tagum ug Diocese of Mati sa dihang mitambong sila sa 5th DADITAMA YOUTH CONVENTION nga gipahigayon sa Queen of Apostles College Seminary, Tagum City, Davao Del Norte niadtong Hunyo 7-9, 2024.

Maoy pinaka-unang higayon sa pag-apil sa partisipante nga si Kalakbay CHRISTIAN TORREJOS nga gikan sa Diocese of Digos niining DADITAMA YOUTH CONVENTION, apan gisiguro gayud niya nga abli siya sa bisan unsa nga gitagana sa Dios alang kaniya. Dugang pa ni Christian, sa iyang pag-apil sa maong convention nasinati niya ang kamatuoran gikan sa pagpaila sa Dios pinaagi sa istorya sa kambal sa sabakan, sa mga sesyon, sa Eukaristiya, mga pamalandong gikan sa mga homiliya sa mga pari ug labaw sa tanan, pinaagi sa talagsaong engkwentro sa ilang foster family.

Sa Segment na TINGOG SA MABLANTAY nga gipangunahan sa atong mga Obispo nga sila si Most Rev. Romulo G. Valles, D.D. ug Most Rev. Abel C. Apigo, D.D. Gitubag nila ang mga pangutana mahitungod sa mga “Naga increase na sa kaso sa depression ug suicidal sa mga batan-on, divorce ug ang mahitungod sa kulang na supporta para sa mga batan-on.”

Alang ni Christian Torrejos ang divorce usa sa pinaka-bililhon nga mga isyu karon, sumala niya nahinomdom siya sa ka importante sa kaminyoon ug esensya niini. Nahibal-an niya kung unsa kamahinungdanon ang pag-ila sa mga butang nga gigamit aron mahataga’g katarungan ang diborsyo – labi na sa mga kaso diin ang kapintasan nalambigit apan dili siya motoo nga ang divorce ang solusyon. Sama sa nahisgutan ni Archbishop Valles, mahimo’g usa kini ka paagi aron magpadayon ang siklo sa pag-abuso. Gipahinumdoman sab nga ang kaminyoon dili lang usa ka kontrata, Kini usa ka KASABUTAN o COVENANT.

Sa laing bahin, usa usab si Christian sa nakasinati nga mawad-an og minahal tungod sa problema sa pangisip, sigon pa niya ang bugtong butang nga iyang nahibaw-an ug iya nang nabuhat, mao ang pagpalambo sa tinuod nga relasyon nga naka sentro ang Dios. Dugang pa niya ang labing maayo nga iyang mahimo ug mapaambit mao ang pag-uban kang Kristo, ingon nga kutob sa mahimo, alang sa ubang mga tawo. (Bay-Jay F. Teon | San Francisco de Asis Parish Tagakpan)