Halandong higayon uban sa Obispo ug Parokyano

Makita pinaagi sa kadaghan sa nagkalain-laing kolor sa flaglets nga nagrepresenta sa unom ka distrito ang kahinangop ug kalipay sa pagpaabot uban ni Rev. Fr. Anthony Silvosa, kura paroko ngadto sa mahal nga Arsobispo sa Davao, Most Rev. Romulo Valles, D.D. panahon sa unang adlaw nga Bisita Pastoral sa parokya sa Virgen delos Remedios, Crossing Bayabas, Toril kaniadtong Mayo 27 hangtod Mayo 29. Sa unang adlaw, gipadayag ni Arsobispo Valles ang kalipay nga nabisita niya ang VDLR. Isip usa ka Apostoliko nga Simbahan, ang Obispo ang sumusunod sa mga Apostoles ni Kristo nga maoy gitugyanan nga mugiya sa iyang panon.

Sa ika-duha nga adlaw sa iyang pagbisita, naabot siya alas 4:39 sa hapon aron pagsusi sa Canonical Books, human gisunod ang kulokabildo sa Parish Pastoral Council, Parish Formation Team, PSAM, ug coordinators sa ubang Mandated Organizations. Gipasabot ni Arsobispo Valles nga tanang mangayo ug Information Data Sheet (IDS) angayang hatagan ug dili aga balibaran bisan pa ang mga ginikanan nga dili kasal sulod sa taas na nga katuigan.

Sa ika-3 ka adlaw sa Bisita Pastoral, didto sa GKK Sta. Cruz Upper Piedad, gisaulog ang Santos nga Misa. Walay kasudlan sa kalipay ang gibati sa mga GSL ug mga miyembro sa maong GKK tungod kay sulod sa 75 ka tuig gikan sa pagmugna sa GKK kaniadtong 1948, pirmerong higayon nga adunay Arsobispo sa Davao nga nagsaulog sa Eyukaristiya sa ilang kapilya. Matod pa ni Arsobispo Valles, ang tanan plano sa Ginoo tungod kay ang krus maoy buhing timaan nga bisan pa sa atong pagka-makasasala, kita gihigugma ug sa kanunay pasayloon sa atong Ginoo. (Lilibeth Sancover – VDLR SoCCom)