Dunay katapusan ang kalisdanan

Dear Ate Emz,

Ipaambit ko ang akong kasinatian kaniadtong anaa pa ako sa High School. Naga agad lang sa baon nga ginahatag sa ginikanan. Usahay wala gyud. Simple lang ang among kinabuhi. Mga mag-uuma ang akong mga ginikanan ug ang among abot sa pag-uma maoy among gisaligan.

Ang eskwelahan kaya ra nga lakwon. Magpanon kami padulong sa eskwelahan. Mangatkat og punuan kung unsay pwedeng makaon kauban ang pipila ka mga classmates. Sa probinsiya man gud dunay daghang punuan sa prutas nga pwedeng makaon, mga mais o kamoteng pwedeng maluto. Barato ang mga palaliton kumpara sa panahon karon kinahanglan nga dunay salapi aron dunay ikapalit o ika-gasto.

Pipila lamang kini sa akong mga kasinatian nga nagdala kanako aron nga makalingkawas sa kalisud sa kinabuhi. Ang naghatag og pagtulun-an sa pagpursige nga makapangita og panginabuhian. Akong gipalambo ang yutang kabilin sa akong mga ginikanan aron sa pag-uma, sa pag-pananum. Dako ang akong pasalamat sa kanindut sa kina-iyahan.

Pinaagi sa abot sa among pananom, migaan-gaan ang among kinabuhi. Mga kabanay nako nga kaniadto maka-ingon ako og isang kahig isang tuka tungod sa kalisod apan karon, kabaliktaran na kini. Salamat sa buhing Dios nga nagtan-aw sa atong tagsa-tagsa ka kahimtang sa kinabuhi. Salamat Ginoo.

Tinuod gyud nga ang kalisdanan sa kinabuhi dunay kinutuban. Dunay panahon nga makalingkawas gihapon basta ubanan kini ug kugi, tiyaga ug labaw sa tanan pag-ampo.

Alex

* * * * * *

Dear Alex,

“Life is difficult. Once we truly know that life is difficult…once we truly understand and accept it…then life is no longer difficult. Because once it is accepted, the fact that life is difficult no longer matters” (M. Scott Peck, The Road Less Travelled) Sa ato pa, tinuod gyud nga lisud ang kinabuhi. Apan kung nahibal-an ug nasabtan na nato kini, dili na kini lisud. Ug dugang pa niini, kay kung ato na kining dawaton, dili na importante alang kanato nga lisod ang kinabuhi.

Sa laing bahin, matud pa sa Pulong sa Ginoo, ang tanan lumalabay lamang, ug apil na ang tanang kalisud ani. Busa, dili angay nga maguol tungod kay walay permanente dinhi sa kalibutan. I agree with you, as long as one exerts efforts with patience, perseverance and most of all PRAYERS, we will overcome everything.

Ang Ginoo kanunay gyud naga atiman kanato, bisan pa usahay dili nato mamatikdan ang Iyang paglihok sa atong kinabuhi. Naa gyud na Siya, pinaagi sa presensiya sa Iyang Espiritu Santo, kanunay kita gina giyahan aron masagubang nato ang mga pagsulay ug mga kalisud sa atong paglawig dinhi sa kalibutan. He knows our needs and He provides for us. Have you ever realized, that in your past experiences, God provided for your needs? Di ba, sumala sa imoha, samtang nagapadulong mo sa eskwelahan, naa moy mga kahoy nga maagihan, kung asa makakaon mo sa mga prutas niini? In the simplicity of your life, you always had something to eat? Are these not God’s providence?

Ang tanan sa kinabuhi naay kabuluhan ug tumong. Ang sitwasyon sa inyong pamilya kaniadto maoy nakahatag ug strong MOTIVATION sa imoha aron magpursige nga makab-ot ang kalambuan sa umaabot. Ug wala gyud ka napakyas niini! Basta magkugi lang moabot ang panahon nga ang tanan malampasan ra gyud. MAN PROPOSES BUT GOD DISPOSES. We also have to work hard and God will do the rest, di po ba? Salig lang gyud sa Ginoo and He will provide for your needs in His own time, in His own ways. Usahay gani naay mga moabot nga mga gasa nga sobra pa sa atong ginahangyo sa Ginoo. Mao kini ang Iyang pagpangga kanato! Basta stay connected lang gyud kita kanunay sa Iyaha, nothing is impossible.

Padayon sa pagpalambo ug pag-amuma sa inyong pagpananum. Dako kaayo kini nga serbisyo sa katawhan…kay kung wala mo, walay makaon ang mga tawo sa syudad! Importante kaayo ang inyong papel sa kinabuhi sa tanan! Mamahimong mahinungdanon ug balaan ang imong mga paningkamot labi na kung ihalad kining tanan sa Ginoo isip pagdayeg ug pagpasalamat sa tanang gasa nga imong nadawat.

Go forth and continue to glorify God with your life!

God bless you more.

Ate Emz