Ang Makalingaw ug Makalilipay nga Flores de Mayo

Kada tuig, sa bulan sa Mayo, ang mga banay sa Pilipinas nagdumala og usa ka makalingaw ug makalilipay nga pagtililipon nga ginganlan og Flores de Mayo. Kini usa ka tradisyonal nga selebrasyon nga gihimo aron pagpahimulos sa Mahal nga Inahan, ug aron pagpasalamat sa mga grasya nga gihatag niya sa mga tawo.

Niadtong Mayo 31, 2024, ang mga parokyano sa Santiago Apostol Bunawan nagdumala niining makalingaw ug makalilipay nga pagtililipon. Gisugdan kini pinaagi sa Santos nga Misa na gipangulohan ni Rev. Fr. Rolando O. Mandreza, dayon misunod ang maong prosisyon. Sa maong kasaulogan, ang mga dalaga gikan sa nagkadaiyang GKK nagtambong sa prosisyon suot ang mga maanindot na mga sanina nga nag representar sa nagkadaiyang Reyna, sila usab nagdala og mga bulak ug nagpakita sa ilang kasinatian, og kandila, nga nagdala’g kahayag sa dalan aron pag-ila sa ilang kalipay ug pagpadayag sa ilang debosyon.

Ang Flores de Mayo nahimong kahigayonan alang sa mga pamilya aron magkita-kita ug mag-ambit sa ilang debosyon ngadto sa Mahal nga Birhen. Kini usa ka panahon alang sa pag-ambit sa pagtoo ug sa pagtambayayong sa komunidad. Usa ka makalilipay nga aspeto sa Flores de Mayo mao ang pag-amoma sa tradisyon ug kultura sa Pilipinas. Kini nagdala og kahulugan ug pagbag-o sa kinaiya sa mga tawo, samtang nagpadayon sa pagpangita og kalinaw ug kahimtang sa kalibutan.

Sa kini nga paagi ang mga parokyano sa Santiago Apostol nagpakita sa ilang gugma ug pagdayeg ngadto sa Mahal nga Inahan pinaagi sa pag-ampo ug pagtililipon sa Santacruzan. Kini usa ka pagsinabtanay nga nagpakita sa gahom sa pag-ambit sa kalinaw, gugma, ug kahiusahan.

Sa kataposan, usa ka yanong salo-salo ang gihimo aron tapuson ang kalihokan. Ang kura paroko ug mga opisyal nipadayag sa ilang pasalamat sa tanang mga lider ug partisipante sa GKK sa ilang pagsalmot sa kasaulogan. Tungod sa suporta sa komunidad, nagmalampuson ang pagtapos sa Flores de Mayo. (Rhea Mae I. Rubis – St. James the Apostle SoCCom)