Fair-Weather Friends

Dear Ate Emz,

Dunay mga higayon sa atong kinabuhi nga usahay ang atong mga giilang higala nanginahanglan sa atoa apan sa panahon nga kita ang nanginahanglan kanila asa na sila.

Dawatun ang kamatuoran nga sa kalipay anaa daghan kaayo kita ug katambayayong, kaila, kauban, kadamay. Anaa na ako sa college diha sa pagtoon ug klase-klase ang akong makasalamuha. Bag-ong mga dagway. Makaingon ako ug daghang masandigan apan diay to pipila lamang ang tinood nga dunay malasakit nimo. Struggling apan lingaw. Daghan mga challenges sa pagtoon. Kanya-kanyang diskarte sa kinabuhi, kanya-kanyang sulbad sa mga suliran. Sama sa akong naagian. Mura ba ug nag-inusara pero gani sa ilang mga problema dangop dayun nganhi kanako. Akong namatikdan nga murag gigamit lamang ako sa akong mga giilang higala.

Ako pud ang klase nga tawo nga maloloy-on basta dunay ikatabang, mutabang. Salamat sa akong mga ginikanan nga nakat-on ako ug mga maayong pamatasan. Gi hulma ako sa akong mga ginikanan ngadto sa saktong dalan bisan daghan ug mga obstacles. Pagsalig sa Ginoo ug hugot nga pag-ampo ang panlaban. Hinaut nga kayanon ko ang mga pagsulay nga mubabag ngadto sa akong kalampusan sa pagtoon.

Diony

* * * * * *

Dear Diony,

Kining kasinatian nga imong gipadayag, nahinumdum ko sa usa ka pulong sa Bibliya nga naga ingon: “If you have found a friend, you have found a treasure.” Hinuon, bisan usa lang kabuok ang imong ma consider nga tinuod nga higala, ampingi ang paghigalaay, kay nakakita ka ug bahandi.

Tinuod bitaw, karong mga panahon, lisod kaayo ang makakita og higala nga mo-unong kanimo sa panahon nga nanginahanglan ka. Sumala sa panultihon, mailhan nimo ang tinuod nga batasan sa tawo, kung ikaw naa sa kalisod nga kahimtang. Tungod kay usahay daghan kita kaila apan kadto diay, ang uban sa ilaha mga ma-consider nato nga FAIR-WEATHER-FRIENDS. Sama sa imong na mention nga anaa lang sila kung malipayon ka, daghan ka mapaambit nga “grasya” kanila. Apan kung “dag-um” na ang imong kahimtang, dili na nimo sila makita.

Apan mapasalamaton kita sa imong sitwasyon karon nga ikaw diay ang ginaduolan sa mga tawo nga nanginahanglan ug tabang, kung naa sila’y mga problema. Abi nimo, mas maayo ang kahimtang nga sila ang modangop kanimo kaysa ikaw ang moduol kanila. Buot pasabot, nakita nila kanimo ang kaayo, ang pagka-manggihatagon sa kaayuhan, sa panahon ug wisdom to share. Gasa sab kini gikan sa Ginoo nga gihatag kanimo…nga mahimo kang instrumento sa pagtabang sa mga nanginahanglan. Remember the words of Jesus, “whatever you do to the least of my brothers, you do unto me”. Kung ang panglantaw nimo sa imong kapwa-tao kay si Kristo, dili jud ka makaingon nga gi-abuso ka. Ma-consider nimo kini nga “serbisyo” alang Kaniya. And you will never get tired doing good. Remember, kung ang imong pagtabang naay tatak sa ngalan nga “gugma” or “with love”, mahinungdanon gyud ang tanan nimong buhat. Sumala sa usa ka panultihon, “the measure of love is to love without measure”. Sa imong silent way of helping, bisan pa dili ka nila baslan sa imong ka maayo ug pagkamaluluy-on, remember, hindi natutulog ang Dios…nothing escapes Him, and He will reward you for all your good deeds, in His own time and in His own ways.

Ang paghulma kanimo sa imong mga ginikanan aron masubay nimo ang matarong nga dalan, usa ka dalaygon nga kabilin, ug nagtoo ako nga nahimo gyud kini nga kabahin na sa imong kinaiya. Busa, agi pasalamat sa imong ginikanan, padayon lang sa imong pagka manggihatagon, sa imong mga kapwa-tao, labi na sa imong mga kaubang estudyante. Apan hinumdumi nga sa maayo lang nga tumong kini imong buhaton. Ayaw lang paghimong “generous” sa imong mga answers sa panahon sa exams or spoon feeding sa ilaha kay dili gyud sila makat-on nga maningkamot in their honest ways. Use your generosity to empower your schoolmates instead of always relying on you. Also, kung gusto nimo nga ang imong mga higala mamahimong true friends continue to do what St. Mother Teresa used to say, “be the change you want to happen”. Be a true friend to those around you and I am sure the change in them will happen, and they, too, will become true friends in the future. In this way, you become a TRANSFORMING PRESENCE, in your own little way.

Never cease praying and connecting with God as you always do…and at the end of the day, you will also gratefully thank God as you count the many blessings, He has poured upon you. And before you know it, nahimo ka nang malampuson sa imong mga pangandoy, subay sa kabubut-on sa Ginoo.

God bless you more.

Ate Emz