Katekista: “Malipayong nagkahiusa sa panaw diha kang Kristo”

Ang mga Katekista sa San Roque Parish Malabog malipayong nagkahiusa sa pagsaulog sa pagkatawo ni Kristo atong Ginoo niadtong January 6, 2024 adlaw’ng Sabado. Gisalmutan ang maong party sa kapin 70 ka mga katekista nga gikan sa nagkalain-laing GKK nga sakop sa maong Parokya uban sa tema, “The catechists, walking together as witnesses of the life in Christ.”

Gisugdan ang maong Christmas Party/Gathering pinaagi sa Santos nga Misa sa oras nga 9:00 am nga gipangulohan ni Fr. Cirilo “Lolong” Bermudez, Parish Administrator sa maong Parokya. Sa homiliya ni Fr. Lolong, siya nagpahinumdom kanamo kung kinsa gyud maoy pinakaunang magtutudlo sa katawhan nga mao ang “Ginoo”. “Sa wala pay mga katekista, ang Ginoo maoy unang magtutudlo, siya maoy nagtudlo kanato sa paghigugma,” matod pa niya. Midugang usab siya sa pag-ingon sa hapit na mahuman ang Santos nga Misa, “There are many reasons for us para magsaya, maong magsaya kita kay Pasko pa karon”.

Pagkahuman sa Santos ng Misa, gisugdan dayon ang program pinaagi sa Opening Prayer, mabulokon nga Welcome Address ni Sis. Diezabel Bulauan ug malipayon kaayo nga pagtimbaya ni Ma’am Aileen Briz nga maoy nag Emcee atong higayona. Gisundan dayon sa pag introduce sa matag sona pinaagi sa mga Yells nga nakapasugod sa katawa sa tanan . Nag-andam usab og mga pa premyo ang among Parish PSP Coordinator nga si Sis. Jeanet R. Esurez sa tanang makatubag sa mga pangutana bahin sa Simbahan nga nakapapukaw ug naka palambo sa among kahibalo isip Katekista.

Usa sa gipangandaman kaayo namo ang Table & Food display contest nga gisalmutan sa tanang sona. Nakita sa mga hurado nga sila Rev. Angelo Espinas, Brod. Eddie Novo ug Sis. Alma Pedrosa Novo ang daghang pagkaon nga gi arrange sa matag lamesa nga mas gipanindot pinaagi sa mga decorations. Paghuman ug hukom sa mga hurado, gisugdan na dayon ang salo-salo atol sa paniudto. Miduyog kanamo si Fr. Lolong nga mipaambit usab og lamian nga ice cream, kauban usab niya ang parih staff.

Mipasundayag dayon sa mga nagkalain-laing talento ang tanan pinaagi sa presentation by zone nga nakapalingaw sa tanan. Nalingaw sab ang tanan sa gipanghatag nga mga surprise gift gikan sa kaubanang Katekista ug mga giveaways Aduna usab pa raffle nga mga item si Sis. Alma.

Sa hapit na mahuman ang party, gi-announce na ang mananaog sa Food and table display contest nga mao ang zone 6, 2nd placer ang zone 8 ug 3rd placer ang zone 10 nga nakadawat og cash gikan sa mga manggihatagon nga kasing-kasing sa mga sponsors. Ug syempre dli mawala ang exchange of gifts nga nakapalipay usab sa tanan. Mipasundayag dayon c Ate Marcelina Libunao sa iyang interpretative dance/song “Kunin mo na ang lahat sa akin” nga nakapakatawa ug nakapalingaw kaau sa tanan.

Sa pagtapos, nagpasalamat og daku si Sis. Jeanet sa tanan nga mitambong ug mitabang aron magmalampuson ang maong Party o Christmas gathering. Gitapos ang party pinaagi sa closing prayer ni ate Emma Sasuman Bantawig sa oras nga alas kwatro sa hapon.

Mipauli ang tanan human sa restoration nga adunay bitbit nga mga regalo . Makita sa dagway sa nga misalmot ang tumang kalipay nga among nadala hangtod sa among tagsa-tagsa ka panimalay.

TO GOD BE THE GLORY! GOD BLESS US ALL!

(Arlene Tarnate and Christy Jandayan | SRP-Malabog)