7th Fluvial Parade sa Sto.Nino

Gitambongan sa kapin gatos nga mga deboto sa Sto. Nino ang Fluvial Parade didto sa Mabini, Davao de Oro. Ang maong kasaulogan nagsugod sa may alas 6 sa buntag og sa wala pa paglarga sa mga sakyanan pandagat gipangulohan ni Rev. Fr. Charles D. Espanol ang pag ampo ug pag blessing sa Mahal na Sto. Nino.

Daghang mga deboto ang miapil, lakip na usab ang lokal na panggamhanan sa Mabini, Davao de Oro. Samtang gi parada ang Mahal nga Sto Nino sa kadagatan mihalad usab ang mga debotante sa pag-ampo sa rosaryo ug human mao ang sinulog. Kapin tulo ka oras ang pag parada sa Sto. Nino sa kadagatan.

Matod pa sa usa ka debotante sa Mahal nga Santo Nino nga si Konsehal Geraldine Maquidato, mipaambit saiyang kasinatian sa kamaayo sa Sto. Nino diha saiyang kinabuhi ug malipayon sya muapil sa mga kalihokan silbing pasalamat niya sa tanang grasya nga gipaambit sailahang pamilya ug pagdungog saiyang mga pag-ampo.

Dugang usab niana, mipaambit usab si Nanay Myrna Gallo, usa ka KPKKA President, nga dako gayod ang iyang kalipay diha kay Sto. Nino kay kini naghimo og paagi nga mahibalik ang iyang anak sa pagsimba human ang 3 ka tuig nga wala pagsimba sa katoliko. Apan giampo jud kini nya kay Sto. Nino og dako iyang kalipay kay kini nadungog nga pag-ampo.

Ang Fluvial Parade usa ka espesyal nga okasyon alang sa mga pamilya, deboto, ug mga bisita nga nangadto aron motambong sa kasaulogan. Ang simbahan sa Sto.Nino, pinangulohan ni Rev. Fr.Arturo Luayon, nagpasalamat sa tanan nga nisupporta ug nag-apil sa kalihokan, nga nagdala kini og usa ka okasyon sa paghiusa ug kalinaw.

Sa katapusan sa parada, ang mga tawo nag prosesyon padulong sa parokya sa Sto.Nino ud didto gitapos ang maong kasaulogan. Ang Fluvial Parade, dili lamang usa ka kasaulogan, kundi usa usab ka pagsundayag sa debosyon kang Sto. Niño ug usa ka pahayag sa pagtahod, pagpasalamat, pagrespeto ug tinud-anay nga paghigugma sa atong Ginoo. (Earna Rose Cadungog)