San Judas Tadeo: Patron sa Paglaum ug Niadtong anaa sa Malisod nga Kahimtang

PASIUNA

Kining “Catechetical Primer” gihimo aron makahatag og batakang kahibalo mahitungod sa kinabuhi ug misyon ni San Judas Tadeo, ang Patron sa Parokya San Judas Tadeo, Artsidyosesis sa Dabaw nga anaa sa Dalan General Malvar, Siyudad sa Dabaw. Dili kini hingpit ug kumpletong pagsaysay sa mga detalye sa kinabuhi ug misyon sa Patron sa atong parokya. Apan, gipanghinaot nga kini makatabang sa dugang pag-ila ug mapalawom ang kahibalo mahitungod sa Santos nga Patron aron ang atong debosyon mamahimong makahuluganon, mabungahon ug mapadayonon. Hinaot unta.

MGA PANGUTANA UG TUBAG

1. Unsa ang sugilanon mahitungod sa pagkatawo ni San Judas Tadeo?

Si San Judas Tadeo natawo sa tuig sa unang usa ka gatos ka tuig sa Kristiyanidad (sometime in the first century of Christianity) sa usa ka Hudeo nga pamilya sa Paneas, usa ka lungsod sa Galilea, Rehiyon sa karaang Palestinea, sa susamang lugar nga si Jesus nagdako. Siya gituhoan nga makasulti og Greek ug Aramaic, sama sa mga tawo niadtong lugara, ug siya usa ka mag-uuma sa iyang panginabuhian. Si Judas Tadeo gihulagway ni San Mateo (13:55) isip usa ka “igsoon” ni Jesus, nga nagkahulogan ig-agaw tungod kay sa pinulongang Hebrew ang pulong nga “igsoon” nagpasabot nga kadugo/paryente (blood relation). Ang inahan ni Judas Tadeo nga gitawag og Maria, gituohan nga ig-agaw sa inahan ni Jose (amahan ni Jesus) ug usab ang iyang amahan nga si Cleopas, gituohan nga igsoon ni Jose (amahan ni Jesus). Si San Judas Tadeo gituohan usab nga adunay pipila ka mga igsoon apil na si Santiago, nga usa sa mga orihinal nga apostoles ni Jesus. Ang iyang pangalan nga “Judas” nagpasabot “maghatag kalipay” (giver of joy), ug ang “Tadeo” nagpasabot “manggihatagon ug maayo.”

2. Unsang mga lugar ang iyang naadtoan aron mosangyaw?

Sa mga tawo aron mahimong mga kristiyanos. Dako kaayo ang iyang nahimo sa sayo nga pagmugna sa simbahan sa Armenia ug ubang mga lugar nga lapas pa sa teritoryo sa mga Romanhon. Atong masabtan nga sa kapistahan San Judas Tadeo, nakaadto sa tibuok Mesopotamia, Libya, Turkey ug Persia uban ni San Simon, nagsangyaw ug nagbag-o sa sa kalendaryo sa atong simbahan matag Oktubre 28,kapistahan kini ni San Simon ug San Judas Tadeo kay silang duha kuyog “partner” sa misyon.

3. Unsa ang mga timaan o simbolo nga adunay kalabotan sa atong pag-ila kang San Judas Tadeo?

Subay sa tradisyon, si San Judas Tadeo gihulagway nga nagdala’g imahen ni Jesus nga anaa sa iyang kamot. Kini nga paghulagway nagagikan sa kasaysayan sa balaang kasulatan nga si Hari Abgar sa Edesa (usa ka siyudad nga anaa sa karon gitawag nga Southeast Turkey) naghangyo kang Jesus nga siya maayo sa iyang sakit nga sangla ug nagpadala siya og usa ka pintor (art painter) nga ipintora (art painting) ang nawong ni Jesus og ipadala sa iya. Si Jesus nga natandog sa pagtuo ni Hari Abgar, mipalakra sa iyang nawong diha sa tela og gihatag kang San Judas Tadeo ug gipadala ngadto kang Hari Abgar. Sa pagpakita sa Hari sa dagway ni Jesus nga milakra sa tela naayo siya ug midesisyon nga magpabunyag nga kristiyano uban sa daghang mga sakop sa iyang gingharian. Sumpay sa hulagway ni Kristo, si San Judas Tadeo, gipakita usab sa mga “art painting” o iyang mga imahen nga adunay kasiga ibabaw sa iyang ulo. Kini nagrepresentar sa iyang presensiya sa adlaw sa Pentecostes diin iyang nadawat ang Espiritu Santo uban sa iyang kaubang mga apostoles.

4. Nganong si San JudasTadeo nahimong Patron sa Paglaum ug kadtong anaa sa Malisod nga Kahimtang?

Si San Judas Tadeo namatay nga Martir sa Ginoo didto sa Persia o Syria sa tuig 65 human namatay si Kristo (65 A.D.). Human sa iyang kamatayon ang iyang lawas gidala sa Roma ug gipahimotang sa lubnganan ilawom sa Basilica ni San Pedro. Sa kasamtangan ang iyang patay’ng lawas anaa pagihapon sa maong lubnganan. Human sa iyang pagkamatay isip Martir sa Ginoo, daghang mga magtutuo nga nagpanaw-duaw (pilgrimage) sa iyang lubnganan. Midaghan ang iyang mga deboto. Sila nag-ampo ug nangayo sa iyang pakitabang.Daghan sa mga magtutuo ug deboto nakasinati sa iyang gamhanang pag-ampo ug pagpangayog panabang gikan sa Ginoo. Tungod niini nahimugso ang titulo“Patron sa Paglaum ug kadtong anaa sa Malisod nga Kahimtang.

5. Nganong nahimong Patron sa atong Parokya si San Judas Tadeo?

Matod pa sa kasaysayan, sa tuig 1964, si Fr. Paul Gravel, PME, gidestino ni Bishop Clovis Thibault, PME, DD, Obispo sa Dabaw, aron magtukod og kapilya sa General Malvar Street, Davao City, alang sa mga katolikong lumolupyo niining dapita. Kay wala pa man silay nahunahunaan nga mamahimong patron sa kapilya niadto, si Bishop Thibault misugyot kang Fr. Gravel nga si San Judas Tadeo (St. Jude Thaddeus) ang mamahimong Patron tungod kay ang amahan ni Bishop Thibault adunay halawom nga debosyon kang San Judas Tadeo. Sa tuig 1965, Oktubre 28, nagpista na ang katilingban sa kapilya. Sa tuig 1968, nahimo kining usa ka “canonically established parish,” ug si Fr. Gravel mismo ang natudlo nga unang Kura Paroko.

PANAPOS

Karon, labaw pa sa mga nangaging panahon, ang kamahinungdanon ni San Judas Tadeo gilab-as diha sa mga alimpatakan ug kasingkasing sa katawhan. Siya nagpadayag sa kaugalingon nga labaw pa sa yanong manlalaban diha sa pagpakita niya sa iyang panabang sa mga tawo nga nag-ilaid sa panginahanglan ug padayong naglaum sa Ginoo.