Kulminasyon sa Bulan sa Rosaryo

October 31, 2023 adlaw’ng Martes madasigon ang mga Parokyano sa St. Mary of the Perpetual Rosary Parish, Buhangin sa pagsaulog sa Kulminasyon sa bulan sa Rosaryo ug ang pagtak-op sa unang Marian Exhibit nga gipahigayon sa Parokya diin adunay tema: A Call to Holiness.

Alas tres sa hapon gisugdan ang prosesyon kauban ang nagrepresenta sa maong Cosplay sa mga Kasantosan. Girepresenta ang tanan ug gisugdan ang Santos nga Misa sa alas singko diin gipangulohan ni Rev. Fr. Boy Roland Ong.

Ang pagpaambit ni Fr. Boy Roland nagtuyok diha sa atong Mahal nga Inahan ang iyang paghigugma, pagkamainampoon, masinugtanon, pagkayano ug pagkamapaubsanong sulogoon ngadto sa atong Amahan. Ang mga pangamuyo ni Santa Maria ang naglig-on kanato.

Ang Ministriya sa Pangulo Sa Panudlo nagpaambit og mga Pagtulun-an: Si Santa Maria ug ang Santos nga Eukaristiya inubanan ni Bro. Jet Garcia.

Mapasalamaton ang mga parokyano nga kini ang Unang Marian Exhibit nga nahitabo dinhi sa parokya nga pinangunahan sa Kura Paroko, Rev. Fr. Dionisio Tabiliran.

Viva Maria! Viva Jesus! (Maria Dexie Calvo, GKK SoCCom, SMPRP)