Kasinatian sa kasing-kasing

Dili masabtan ang gibati ni Mrs. Ardenia Arden H. Badilla, 65 yrs old, primerong higayon nga nakasalmot sa gipahigayon nga Gallery of Saints Year 4 sa NCCC Mall VP, J.P. Laurel Avenue, Davao City. Si Mrs. Badilla usa ka aktibo nga membro sa Neo sa Sacred Heart of Jesus Parish sa Agdao ug membro usab sa 1,000 Hail Mary’s sa Philippine Womens College. Matod pa ni Mrs. Badilla nga nalipay ug nagpasalamat gayod siya nga nakaapil siya sa Gallery of Saints tungod kay daghan siya’g nasayran sa kinabuhi ug sakripisyo sa nagkalain-laing Santos nga anaa didto. Labi na ang kinabuhi ni St. Padre Pio nga kung diin siya usa ka deboto. Dugang pa niya nanglimbawot iyang balahibo sa pagkakita niya sa mga imahe sa mga santos. Siya nagahandom nga kini magpadayon sa daghan pang katuigan nga umaabot. (Lilibeth Sancover)