Ayaw Kabalaka

(Homily of Most Rev. Romulo G. Valles, D.D., Archbishop of Davao during the 3rd day of his pastoral visit at GKK San Roque under the St. Joseph the Worker Parish, September 23, 2023)

Madungog nato karon ang sambigay bahin sa magpupugas, ang sambingay mga igsoon, larawan arong mapasabot ang punto bahin sa lihok sa Ginoo; pero kining maong paglarawan sama sa tigmo, naay twist, murag ilaron ka gamay nga magmata ka nga mao diay kana ang mensahe.

Nabati nato karon ang sambingay sa magpupugas, unya duna siyay daghang mga liso, igtatanom unya iyang gilabay sa dalan, sunod sa yuta nga batoon, sunod sa yuta nga sagbuton, sunod sa yuta nga tambok. Unya giingon didto, ang liso nalaya wa mutubo, didto lang ang liso mitubo sa tambok nga yuta. Pwede pod nga kita muingon nga, unsa man ko? Ako ba ang batoon, ako ba ang sampiniton? Ako ba ang naa sa dalan, kay mabaw ra ang yuta, init, wa mutubo ang liso? O ako isip sakop sa katilingban ako ba ang tambok nga yuta?

Pwede pod, medyo maypagka ingon-ana ang sambigay. Pero mangutana ta, niining paglarawan sa buhat sa Ginoo, unsang klase nga farmer siya? Mahina? Ako dunay liso, ilabay nako sa dalan? Mahina. Ilabay nimo sa batoon, kabalo naka nga batoon, ilabay nimo, buang-buang ka? …Unya naa kay seeds ilabay nimo sa sampinit?

Dinhi ang tigmo, ang punto sa sambingay, ang Ginoo dili sama sa ordinaryo nga mag-uuma, ang Ginoo lahi, ang Ginoo sa iyang pagka-dios, sa iyang gugma, sa iyang tinguha nga ang matag usa kanato maluwas. Ang Ginoo kanunay musabwag sa liso kanatong tanan.

Ang punto sa sambingay, “ayaw kabalaka kanunay ang Dios muduol gyud kanimo.”