Pagpakita sa Dakong Suporta sa Parokya JPII

Gipasigarbo sa kura paroko nga si Reberendo Padre Russell Bantiles ang suporta sa mga volunteers ug mga membro sa komitiba sa Parish Pastoral Council tungod malampuson nga napahigayon ang ilang Dinner for a Cause niadtong Sabado, Oktobre 7 didto sa Mergrande Ocean Resort.

Sa atong pakighinabi sa nwebe syentos ka mga tawo ang ilang gipaabot alang sa maong dinner. Kini pahinungod alang sa ilang pagpadayon sa pagtukod sa simbahan, gani dunay titulo nga A Roof for my Father’s House.

Bisan sa makusog nga ulan, nagpadayon sa pag-abot-abot ang mga katawhan alang sa maong salu-salo. Samtang nagakaon, naglantaw sab sila sa pasundayag sa mga batan-on sa parokya, apil sab ang mga bata sa Padre Pio’s Home for Children nga maoy nag opening prayer.

Ang mga batan-on sa parokya, naghimo sa usa ka theater production sa kinabuhi sa ilang patron nga si San Juan Pablo Segundo (JPII). Dunay kanta, sayaw nga gihitabo sulod sa maong drama production.

Sa maong panagtapok, mihatag sa iyang inspirational message si Most Rev. Romulo G. Valles, DD; apan sumala pa kaniya, “ako ang inyong giinspire.” Tuod man maka inspire gyud ang pagpakita sa dakong suporta sa tanang naglangkob sa maong dinner.

Si Fr. Russell nag-imbita sab sa mga katawhan sa ilang umaabot nga pyesta sa Oktobre 22.