Pag-ampo alang sa Kalinaw

Malipayon ang mga myembro sa GKK Sto. Rosario Tugbok sa pagsaulog sa ilang ika-39 nga kapistahan niadtong Oktobre 7, adlawng Sabado. Wala na gayud damha ang kabalaka diha sa COVID ug ubay-ubay na ang mga mitambong sa Santos nga Misa nga gipangulohan sa kura paroko sa Imaculada Conception nga si Padre Johny Autida.

Si Padre Autida mipaambit sa iyang pamalandong nga ang kalinaw sa kalibotan magsugod diha sa pamilya. Gipahinumdoman nga usa sa mga tumong sa pagpakita ni Birhen Maria mao ang pag-ampo sa rosaryo alang sa kalinaw sa kalibotan. Tukma pod kaayo kini tungod sa mga kagubot nga gakahitabo karon sa laing mga nasod sama sa Israel.

Matapos ang Santos nga Misa gibunyagan ang walo ka mga bata, dayon misunod ang salu-salo sa mga myembro sa katilingban.