Kainit sa Balaang Espiritu

Napuno sa kainit sa presensya sa Balaan Espiritu Santo ang Alemendras Gym sa Boulevard niadtong Oktubre 15, 2023 tungod sa kadaghan sa mga miyembro sa nagkalain-laing mga charismatic groups sa Arkidyosis sa Dabaw. Una paman nagsugod ang maong panagtigom, ang mga partisipante naghalad sa mga jolly songs alang sa pagdayeg sa Ginoong Dios.

Tapos ang madaghan nga mga malipayong kanta ug sayaw gisugdan ni Sis Irene Er-Smith nga gikan sa Archdiocese of Perth sa Australia ang pasiunang pagampo. Mabati gayod sa iyang mga pulong ang kadasig gikan sa Espiritu Santo ug daghan ang natandog sa iyang pagampo. “Let everything that has breath praise the Lord,” mao ang iyang mga pulong. Tuod man kinahanglan gayod nga ipalapnag ang kamaayo sa Ginoo, tungod kini wala gayud maglubad. Tinaas ang mga tuong kamot, ang tanan nagawit nga puno sa kinasing-kasing nga paghigugma sa Dios.

Ang ika-singkwenta nga selebrasyon sa Archdiocesan Catholic Charismatic Renewal Communities of Davao nagpadayag diha sa walay puas nga gugma sa Dios nganhi kanato ug usab ang atong pagtubag sa iyang tawag sa pagkabalaan.

Malaomon ang tanan nga muabot pa sa usa daghang katuigan ang mga katilingban uban sa pagdayeg sa Dios diha sa pagbati sa kainit sa Espiritu Santo.