VDP Confirmation 2023

Gidawat sa 120 ka mga confirmands ang sakramento sa kompirmasyon niadtong Setyembre 2, 2023, adlaw’ng Sabado sa alas 9 ang takna sa buntag nga gipahigayon sa Virgen Dolorosa Parish, Babak District, Island Garden City of Samal. Kini kabahin sa pagsaulog sa ika-62 nga kapistahan sa parokya. Gipangunahan ni Most Rev. Romulo G. Valles D.D., Arsobispo sa Davao ang pagsaulog sa Santos nga Misa ingon man ang rito sa kompirmasyon.

Dili lang mga bata nga nag edad ug 12 ang midawat sa sakramento aduna usa’y mga hingkod ug hamtong na ang pangidaron sama sa mga indibidwal nga boot magpakasal. Sigon sa pagtulun-ang Katoliko dili mamahimong magpakasal ang usa ka indibidwal o pares kon dili moagi sa Sakramento sa Bunyag, Kompisal, Yukaristiya ug Kompirma.

Kauban sa mga confirmands ang ilang mga ginikanan ingon man ang ilang mga ninong ug ninang isip mga witness sa ilang pagdawat sa sakramento. Natapos nga malampuson ug mapasalamaton ang tanan ilabi na ang tanang lumilihok sa simbahan sa kooperasyon sa tanang nagpakompirma, mga ginikanan, mga GSL sa matag GKK ilabi na kang Arsobispo Romulo G. Valles. (Jennith Ramos Corona, VDP SoCcom | Photos by VDP FB Page)