Usa ka tuig na lang!

Usa ka tuig na lang mag saisenta ka tuig na ang Cursillos in Christianity sa atong Archdiocese sa Dabaw. Karong tuiga, kini ang tema, “For a Synodal Community: One in Communion, Participation and Mission.”

Ang maong selebrasyon pagahimoon sa upat ka Sabado nga pagatambungan sa mga Cursillista sa tibuok Dabaw ug nasugdan na kini atong Sabado sa Recollection nga gimugna sa Daliao Barangay Hall ug ang speaker sa maong Recollection mao sab ang Spiritual Director nga si Rev. Fr. Jemasol Ortiz nga Kura Paroko usab sa San Alfonso de Liguori, Mandug.

Septyembre 9 mao ang Pilgrimage nga gisalmutan sa tulo ka lugar gikan sa North bound, Downtown ug parti southbound. Ang gikan sa Northbound nagsugod sa Sto. Rosario Parish sa alas sais sa buntag inubanan sa Virgin delos Remedios-Crossing Bayabas, Holy Family Parish – Baliok, San Lorenzo Ruiz-Talomo, Our Lady of Lourdes Parish-Bangkal. Sa downtown area nagsugod sa Our Mother of Perpetual Help- Bajada sa alas sais y medja sa buntag gisundan sa Our Lady of the Assumption Parish – Torres, Sacred Heart Parish – Obrero, Sta Ana Shrine – Sta. Ana Avenue ug St. Jude Thaddeus, Malvar. Sa Southbound, Christ the King Quasi-Panabo, St. John the Baptist – Lasang, St. James the Apostle – Bunawan, St. Francis Xavier – Tibungco ug San Miguel Parish – Panacan. Ang pilgrimage natapos sa usa ka Santos nga Misa diha sa San Pablo Parish sa udto nga misa. Ngano sa San Pablo Parish? Tungod kay ang patron sa Cursillo Movement mao si San Pablo.

Ang ikatulong Sabado mao ang Charity Works nga pagabuhaton sa Pre-College Seminary nga nahimong usa sa mga beneficiary sa Cursillo Movement agig pagtuman sa advise sa Spiritual Director Fr. Jojo Ortiz nga suportahan ang mga seminarista sa ilang bokasyon. Quarterly, ang mga Cursillista nagatigom diha sa Ulas aron sa paghatod sa mga ipaambit sa mga Cursillista. Karung umaabot nga Septyembre 16, gidasig ang tanan sa paghatod ug BUGAS (priority), kape ug uban pa nga gustong idalit sa atong mga seminarista.

Ang BIG DAY sa Cursillo mao ang selebrasyon sa GRAND ULTREYA nga pagahimoon sa Daliao Gym, Toril. Gidapit ang tanan sa pagtambong.

Ang registration magsugod sa alas syete y medya sa buntag. Ang Santos nga Misa mahitabo sa alas dyes sa buntag.

Ubani kami sa pagduyog ug kitang tanan malipayon nga eselebrar ang maong ika-59 nga Foundation Anniversary ug Grand Ultreya. De Colores!! (Sis Tine Subang)